اسلام آباد۔ 02جولائی (اے پی پی) وزیراعظم عمران خان تون وزیراعلیٰ گلگت بلتستان خالد خورشید جمعہ نادے آ داڑے اوڑدہی کرے و اودے گلگت بلتستان نا بجٹ و جان جوڑی، تعلیم و سیل و سوات نا مون آ دننگ تون اوار کروک آ ایلو گام گیج آتیان معلومدار کرے۔ وزیراعظم آفس نا میڈیا ونگ آن جاری بیان نا رداٹ اوڑدہی ٹی وزیراعلیٰ وزیراعظم ءِ گلگت بلتستان نا بجٹ نا بابت پارے۔ داکان بیدس گلگت بلتستان ءِ جہانی آب انا سیل و سواتی ہند اس جوڑ کننگ کن کروک آ گام گیج، جان جوڑی و تعلیم نا آسراتی، احساس پروگرام آن راجی رکھ و طالب علم آتے اسکالر شپ انا فراوانی آہم حوال تس۔
