اسلام آباد۔1جولائی (اے پی پی): بنجاھی وزیر وردن ءُ وراک ءِ رکھینگ ءُ پٹ ءُ پول فخر امام ءَ گوشت کہ ملکی دیمروئی ءِ واستہ کشت ءُ کشار ءُ جوڑیشتی شوبگ ءَ کار عمران خان ءِ وژن انت، بجٹ ءَ کشت ءُ کشار ءِ شوبگ ءِ واستہ 60 ارب کلدار گیشینگ بوتگ، مئے کاشتکار باز محنتی اَنت بلے توم آنی پیداوار ءَ را ودینگ ءِ واستہ جدیدیں ٹیکنالوجی ءَ را کارمرد کنگ المی انت۔ پنچ شمبے ءِ روچ ءَ راجی دھکان کنونشن ءَ گوں گشتانک دیان ءَ آئی ءَ گوشت کہ پاکستان ءَ اولی رند ءَ یک مزن وزیرے ءَ کشت ءُ کشاری شوبگ ءَ را ارزشت داتگ ءُ ایشرا اولی سرئی کار لیک اتگ، نوکیں سال ءِ بجٹ مزن وزیر عمران خان ءِ وژن ءِ آدینک ءَ پیش دار ایت۔ آئی ءَ گوشت کہ گندم ءُ کنگ ءَ ھوار ارزشتی ایں کشار آنی ریکاٹی پیداوار بوتگ۔ ایش انوں بندات انت۔ آئی ءَ گوشت کہ ایٹماسپیئر ءِ مٹ ءُ بدلی ٹوھیں جیڈ ھ ءِ جوڑ بوتگ، 25 سال ءَ چہ کشت ءُ کشار مئے جیڈھ توم ءِ ٹیکنالوجی انت، گیشی گندم ءِ استیءَ ابید درآمد کنگ ءِ پیسلہ گیش بوھوکیں آباتی ءِ ضلورت آنی رد ءَ کتگ۔ آئیءَ گوشت کہ ھمک کوچگ ءَ جوانیں وانگ ءُ زانگ ءُ جان سلامتی ءِ آسراتی ءِ پجاری دیمروئی ءِ واستہ المی انت۔ آئی ءَ گوشت کہ آرگینک فارمنگ ءَ را ترجی دیگی انت، بجٹ ءَ کشت ءُ کشار ءِ شوبگ ءِ واستہ 60 ارب کلدار گیشینتگ انت، صوبگ آنی گوما یکجائی ءَ ساپ ءُ سلہ ئیں کار رپک ءَ چہ اے فنڈز آناں ھرچ کنگ بیت۔ آئیءَ گوشت کہ پُکی ءِ کشوکیں دھکان آنی کمکی قیمت دیاں، پاکستان ءَ را پُکی ءِ درآمد ءِ سبب ءَ مزنیں کساس ءَ زر امبار ھرچ کنگ کپگ ءَ انت، حکومت ءَ کد ، کشت ءُ کشاری درمان ءُ توم ءِ واستہ 15 ارب کلدار گیشنتگ انت۔ آئی ءَ گوستگیں روچ ءَ راجی اسمبلی ءَ مزن وزیر ءِ گشتانک ءَ را تاریخی گشتانک نامینت ءُ گوشت کہ مزن وزیر ءَ زیک راج ءِ سروکی کتگ ایش راجی اوست آنی درشانی ءَ کنت۔ آئی ءَ گوشت کہ توم ءِ پیداوار ءَ را ودینگ ءِ واستہ جدیدیں ٹیکنالوجی ءِ کارمردی المی انت۔
