اسلام آباد۔1جولائی (اے پی پی): توانائی ءِ بنجاہی وزیر حماد اظہر ءَ گشتگ کہ حکومت ءِ اثر مندیں گامگیجانی سوب ءَ چہ گردشی وام کم بوتگ اَنت۔ پنچ شمبے ءِ روچءَ وتی ٹویٹ ءَ آئی ءَ گشتگ کہ حکومتی اثر مندیں گامگیجانی وجہ ءَ چہ اے جیڑہ ءَ را گیش ء ُ گیوار کنگ بوتگ۔ آئی ءَ گشتگ کہ مالی سال 21-2020 ءَ وام گوستگیں مالی ءِ مقابلہ ءَ 360 ارب کلدار کمی بوتگ۔ توانائی ءِ وزیر حماد اظہر ءَ گشتگ کہ حکومت اے پدمنتگی ءَ را ہلاس کنگ ءَ سوبمند بوتگ۔ اے سال گردشی وامانی تہا تنا 177 ارب کلدار ءِ گیشی بوتگ۔ گوستیں سال ءَ اے گیشی 538 ارب کلدار بوتگ۔
