ایشی ءِ تہ ءَ سیاسی ، چاگردی ءُ جتا جتائیں سسا ساچیں پڑ ءَ گوں سیادی داروکیں مردم آنی مزنیں کساسے ءِ بھر زوری
اسلام آباد۔30جون (اے پی پی):پسنی ءَ شنزانی ڈیم ءِ آماچیں مردم آں وتی لوٹ آنی پیلو کنگ ءِ واستہ جاک ءُ زار شانی ءُ پریس کانفرنس کت۔ ایشی ءِ تہ ءَ سیاسی ، چاگردی ءُ جتا جتائیں سسا ساچیں پڑ ءَ گوں سیادی داروکیں مردم آنی مزنیں کساسے ءَ بھر زوری کت ، جاک ءُ زار شانی ءِ ساھت ءَ آواں وتی لوٹ آنی پیلو بوھگ ءِ ھاترا پلے کاٹ زرتگ ات۔ اے ساھت ءَ نیشنل پارٹی ءِ ضلعی جنرل سیکرٹری یوسف عبدالرحمان، سید عابد نور، میر عمر میر، بی این پی ءِ تحصیل صدر لالا مراد جان، انجمن تاجران ءِ صدر لیاقت بلوچ، جمعیت علمائے اسلام پسنی ءِ مفتی رحمت اللہ عباسی، بی این پی عوامی ءِ اکرام اسلم، مریم صاحب خان ءُ نیشنل پارٹی ءِ سلام اللہ ءَ مچی ءَ را گشتانک دات ءُ گوشت کہ گوستگیں 150 سال آنی مردم آنی جدی پُشتی زمین آناں پچ گرگ ءُ پُلگ ءُ اے زمین آنی سر ءَ ڈیم جوڑ کنگ ھندی مردم آں گوں ناروائیں سلوک اِت۔ ڈیم جوڑ کنگ جوانیں گپ ات، ڈیم ءَ چہ آپ ءِ ڈکال کم ءُ ھلاس بیت۔ بلے اے بزگریں مردم آنی زاتی زمین آناں پُلگ ناانصافی اِت۔ آواں گوشت کہ سرجمیں ملک ءَ الس ءِ آسودگ ءُ آسراتی ءِ واستہ وڑ وڑیں دیمروئی گامگیج بست ءُ بند کنگ بوھگ ءَ انت، ھمے رنگ ءَ پسنی ءِ تہ ءَ ھم بازیں گامگیج ستا کرز انت، بلے نہ زاناں چیا اے ڈیم ءِ جوڑ کنگ ءِ ساھت ءَ مردم آنی زمین آناں پُلگ ءُ بے آسودگ کنگ بوتگ۔ باید انت آماچیں مردم آناں ریلیف پجاری کنگ بہ بیت۔ آئی ءَ گوشت کہ لوکل انتظامیہ ءِ نیمگ ءَ مئے کشت ءُ کشاری زمین آناں اُشکاوگیں زمین ڈکلیئر کنگ ءُ ایشانی زمین آناں مپت ءُ بلاش ءَ پچ گرگ ، بے معاوضہ ءَ پچ گرگ یک گیر کانودی ناانصافی ات۔ ایشاناں معاوضہ دیگ بہ بیت۔ شنزانی ڈیم ءِ آماچیں مردم آں پبلک ویلفیئر کلب ہال ءَ وتی لوٹ آنی پیلو کنگ ءِ واستہ پریس کانفرنس ءَ گوں گشتانک دیان ءَ گوشت کہ حکومت بلوچستان ءِ نیمگ ءَ شنزانی ڈیم ءِ جوڑ کنگ بوھگ ءَ انت۔ اے زمین مئے جدی پُشتی زمین انت ایشی ءِ سر ءَ ڈیم ءِ جوڑ کنگ بوھگ ءَ انت۔ آواں گوشت کہ سدانی ھساب ءَ جدی پشتی زمین آنی سر ءَ جوڑ کنگ بوھگ ءَ انت۔ اے زمین آنی سر ءَ لکھانی کلدار ءِ ھرچ ءُ درچ ءَ چہ بند جوڑ کتگ، کشت ءُ کشار کتگ ، کشار ءُ درچک انوگ ءَ ھم است انت بلے ڈیم جوڑ کنگ ءَ چہ پیسر محکمہ ایریگیشن حکومت ءِ بلوچستان ءَ سروے ءِ ساھت ءَ ما زمیندار آں گوں شور ءُ مشور نہ کتگ ءُ ناکہ مارا گوں دل یکیمی ءِ کتگ ، اے سبب ءَ وتی پُشتینی زمین آں چہ زبھر بوھگ ءَ آں۔ ڈیم جوڑ بوھگ ءَ پد سیلاپ ءَ چہ مئے باقی زمین آناں آپ بُر ایت ءُ مارا تاوان رس ایت اے تاوان ءِ پیلوئی پدا بوت نہ کنت۔ اے زمین آنی سر ءَ مئے ملکیتی ثبوت است انت آھودا بستگیں بند، کشتگیں درچک ءُ ڈگار آنی پل ءُ پادگ سہرا انت کہ ایش وت سرئیں نہ انت ، اے مئے زمانگی میراس ءِ درور انت۔ ایشانی کاگد ءُ مسل ھم مئے کرا است انت، ءُ دمگ ءِ نندوکیں ایندگر مردم مزنیں کساس ءِ اے زمین آنی گواہ زندگ ءُ سلامت انت کہ مئے پت ءُ پیرکی اے زمین انت۔ آواں گوشت کہ سرجمیں ملک ءَ الس ءِ آسودگ ءُ آسراتی ءِ واستہ وڑ وڑیں دیمروئی گامگیج بست ءُ بند کنگ بوھگ ءَ انت، ھمے رنگ ءَ پسنی ءِ تہ ءَ ھم بازیں گامگیج ستا کرز انت، بلے نہ زاناں چیا اے ڈیم ءِ جوڑ کنگ ءِ ساھت ءَ مردم آنی زمین آناں پُلگ ءُ بے آسودگ کنگ بوتگ۔ باید انت آماچیں مردم آناں ریلیف پجاری کنگ بہ بیت۔ آئی ءَ گوشت کہ لوکل انتظامیہ ءِ نیمگ ءَ مئے کشت ءُ کشاری زمین آناں اُشکاوگیں زمین ڈکلیئر کنگ ءُ ایشانی زمین آناں مپت ءُ بلاش ءَ پچ گرگ ، بے معاوضہ ءَ پچ گرگ یک گیر کانودی ناانصافی ات۔ ایشاناں معاوضہ دیگ بہ بیت۔ شنزانی ڈیم ءِ آماچیں مردم آں پبلک ویلفیئر کلب ہال ءَ وتی لوٹ آنی پیلو کنگ ءِ واستہ پریس کانفرنس ءَ گوں گشتانک دیان ءَ گوشت کہ حکومت بلوچستان ءِ نیمگ ءَ شنزانی ڈیم ءِ جوڑ کنگ بوھگ ءَ انت۔ اے زمین مئے جدی پُشتی زمین انت ایشی ءِ سر ءَ ڈیم ءِ جوڑ کنگ بوھگ ءَ انت۔ آواں گوشت کہ سدانی ھساب ءَ جدی پشتی زمین آنی سر ءَ جوڑ کنگ بوھگ ءَ انت۔ اے زمین آنی سر ءَ لکھانی کلدار ءِ ھرچ ءُ درچ ءَ چہ بند جوڑ کتگ، کشت ءُ کشار کتگ ، کشار ءُ درچک انوگ ءَ ھم است انت بلے ڈیم جوڑ کنگ ءَ چہ پیسر محکمہ ایریگیشن حکومت ءِ بلوچستان ءَ سروے ءِ ساھت ءَ ما زمیندار آں گوں شور ءُ مشور نہ کتگ ءُ ناکہ مارا گوں دل یکیمی ءِ کتگ ، اے سبب ءَ وتی پُشتینی زمین آں چہ زبھر بوھگ ءَ آں۔ ڈیم جوڑ بوھگ ءَ پد سیلاپ ءَ چہ مئے باقی زمین آناں آپ بُر ایت ءُ مارا تاوان رس ایت اے تاوان ءِ پیلوئی پدا بوت نہ کنت۔ ایشی ءَ ابید “شینزانی ڈیم” کھنڈری ءِ آماچیں مردم آنی ڈل ءَ بازیں رند ءَ اسٹنٹ کمشنر پسنی ءَ گوں گند ءُ نند کتگ۔ جوانیں پسو نہ رسگ ءِ پد ءَ مئے ڈل ءَ 22ستمبر 2020 ءَ ڈپٹی کمشنر گوادر ءُ ایکسیئن ایریگیشن ڈیپارٹمنٹ گوادر ءَ گوں گند ءُ نند کت۔ آئی ءَ گوشت کہ ڈیم ءِ پی سی 1 ءَ معاوضہ ، ہرجانہ ءِ جند مان نیست چیا کہ اے ڈیم ھندی زمیندار آنی رضامندی ءَ چہ جوڑ بوھگ ءَ انت ءُ حکومت ءِ ھمے پالیشی انت کہ آھودا ڈیم جوڑ کنگ بہ بیت ھمودا مردم وت وش بہ بنت ءُ آواں بے کساس آسودگی رست کت بہ کنت۔ آواں دستبدی کت کہ سیت ھما وھد ءَ رس ایت کہ مئے زمین آپ ءِ چیر ءَ بیا اَنت۔ ءُ آواں لوٹ کت کہ ھما زمیندار آنی تہ ءَ اسلیں زمیندار کس ساڑی نہ بوتگ ؟ آواں لوٹ کُت ءُ جست گپت کہ ھما زمیندار آنی نبشتگیں مسل کہ آواں رضامندی سہرا کتگ بوتگ است انت ؟ آواں گوشت کہ اے پریس کانفرنس ءِ وسیلگ ءَ ٹوھیں کارندہ آں گوں اپیل ءُ دستبندی کناں کہ حکومت ءِ نیمگ ءَ پسنی کھنڈری ءِ زمین آنی کچ ءُ ماپ کنائینگ بہ بیت ءُ ھک ءِ ملکیت ہرجانہ ءِ نمونگ ءَ داد پجاری کنگ بہ بیت۔
