اسلام آباد۔30جون (اے پی پی): مزن وزیر عمران خان ءَ اپوزیشن ءَ را دعوت داتگ کہ آ گچین کاری ءَ را کشاں چیل ءَ چہ رکھینگ ءِ واستہ وتی شور ءُ مشور ءَ بدینت ءُ پاکستان ءَ جمہوریت ءِ روشنائیں آیوکیں باندات ءِ واستہ وتی کرد ءَ پیلو بکن انت، مئے کوشست بوتگ کہ آئی ایم ایف ءِ کرا مہ رواں چیا کہ آئی ایم ایف ءِ شرط آنی سبب ءَ مردم گوں مشکل آنی گوما دیم پہ دیم انت بلے ما مجبور آں کہ آئی ایم ایف ءِ کرا شتگ انت، آئی ءَ گوشت کہ ما سکیں پیسلہ کتگ ءُ معیشت ءَ را برجا کتگ بلے کورونا ءِ سبب ءَ یک رند ءَ پدا مشکل پیداک بوتگ بلے ما مجبور آں کہ آئی ایم ایف ءِ کرا شتگ آں، ما سکیں پیسلہ کتگ ءُ معیشت ءَ را برجا کتگ۔ چوش کہ ھمساھگیں ملک آنی گوما دیم پہ دیمی ءَ ما گہتریں گامگیج ءُ اللہ پاک ءِ کمک ءَ چہ مارا گیش تاوان نہ رستگ۔ چار شمبے ءِ روچ ءَ راجی اسمبلی ءَ آیوکیں مالی سال ءِ بجٹ ءِ کار ءَ را سرجم بوھگ ءَ پد وتی گشتانک ءَ مزن وزیر عمران خان ءَ گوشت کہ درستاں چہ پیسر پارلیمانی پارٹی ءُ ھمبراھ داریں پارٹی آنی شگر ءُ منت ءَ گرگ لوٹاں باز جوانیں رنگ ءَ آواں بجٹ سیشن ءَ ھوار بوتگ انت۔ مزن وزیر ءَ گوشت کہ آ اپوزیشن ءَ را دعوت دیاں کہ آ اے ملک ءَ را 1970 ءَ چہ پد بوھوکیں توامیں گچین کاری کشاں چیل ءِ گوما بوتگ انت۔ انوں سینٹ ءُ ھندی گچین کاری ھم ھمے وڑ کشاں چیل ءِ گوما بوتگ انت۔ آئی ءَ گوشت کہ ما دو سال ءَ چہ کوشست کتگ کہ کجام کجام کار کنگ بہ بنت تانکہ گچین کاری نتیجگ آں درست بہ من اَنت۔ ھمے ھاترا اپوزیشن ءَ گوں دستبندی انت کہ آ پاکستان ءَ جمہوریت ءِ آیوکیں باندات ءِ واستہ اے رد ءَ وتی کرد ءَ پیلو بکن اَنت۔
