اسلام آباد۔ 30جون (اے پی پی) پیکنگ یونیورسٹی چین نا سینٹر فار پاکستان سٹیڈیز تون وابستہ پروفیسر تانگ مینگ شینگ پارینے کہ پاکستان نا جی ڈی پی ٹی کشت وکشار نا بشخ 18.5درسد ءِ و او نوکری تا 38.5درسد بشخ فراوان کیک۔ کشاری پیدوار آن نیال خلنگ نا پیدوار 38.7درسد و گلہ بانی نا بشخ 57.79بشخ ءِ۔ چارشنبے نادے آ تینا بیان اٹی اوپارے کہ کشت وکشار پاکستان نا قومی زرگزران کن اہم ءِ ہرااسہ اہم برآمدی صنعت اس ہم ارے ہراڑآن پاکستان ءِ درملکی زرمبادلہ نا اسہ بھلو بشخ اس دوئی مریک۔ داکان بیدس ہم دا زرگزران نا ایلو بشخ آتا شونداری کن ہم کمک فراوان کیک۔ اومون آ تخا کہ سی پیک نا فریم ورک انا رداٹ کشاری کمکاری پاکستان نا کشاری شونداری حالیت آتا رداٹ بایدے مرے انتئے کہ ہڑتوم آ تا نیام اٹ کشاری انفارمیشن ایکسچینج و ٹریننگ، کشاری پروسیسنگ، کشاری مشینری مینو فیکچرنگ اینڈ مینٹی نینس، جوجک کسفوک آ دوائی تا بست وبند پین پین اٹ تین پہ تینی کمکاری نا بھلو تاریخ اسے۔ وخت اس کہ پنجاب و سندھ و قطبی بشخ آتون اوار اوار نن دا ڈیہہ ٹی کشت وکشار ءِ پوسکن کننگ و صنعتی جوڑ کننگ تون اوار اوار کشاری مصنوعات آتا برآمدآتے ہم مون آ دینہ۔ پروفیسر مینگ شینگ پاہک کہ چینی کاروباری ادارہ غاک پاکستانی گلہ بانی و تعلقدار ایلو پروسیسنگ ڈٹ آتے ٹی زیات آن زیات بشخ ہلنگ کیرہ و صنعتی چرجوئی ءِ ودفنگ نا کوشست کننگ کیرہ تانکہ مصنوعات نئے بیرہ پاکستانی مارکیٹ نا گرج آتے پورو کننگ کے بلکن ایشیا و دے ٹک نا ایلو ملک آتے برآمد ہم کننگ کے۔ داکان بیدس اومون آ تخا کہ چین و پاکستان دریائے سندھ طاس انا آبپاشی، ہن و بر و بنداوی پنجر ءِ گچین کننگ آ سجفنگ کیرہ۔ وخت اس کہ وخت اتون اوار اوار مہارت و اسکیل مینجمنٹ کن پوسکن آ ٹیکنالوجی درستی راستی کرفنگ مریک ہرانا مسخت پنجاب و سندھ ءِ خولم، برنج، امب، انار و ایلو کون آ کشاری مصنوعات آتا اہم پروسیسنگ بیست جوڑ کننگ مرے ہرانا کمک اٹ چین، یورپ، دیکی ایشیا، سویل دے ٹکی ایشیا و ایلو ملک آک و ڈیہہ تسکان برآمد آتا دنگ ءِ ودفنگ مرے۔
