اسلام آباد۔ 30جون (اے پی پی) بنجائی وزیر حوالکاری و شینکاری چوہدری فواد حسین پارینے کہ دیکی راج اٹ ودوک آ اسلاموفوبیانا واقعہ غاک گڑتی نا سوب ءُ۔ چارشنبے نادے آ تینا اسہ ٹویٹ اسے ٹی اوپارے کہ کینیڈاٹی منہ ہفتہ مست اسہ پاکستانی خاہوت اسے نسل پرستانہ جلہو اٹ شہید کننگا، داسہ دُوارہ سسکاٹون شاراٹی اسہ پین شاری کاشف آ انتہاپسندآک خنجراٹ جلہو کرینو۔ اوپارے کہ دیکی راج اٹ اسلاموفوبیانا ودوک آ واقعہ غاتیا گڑتی ءِ۔ اومیت کینہ کہ داوڑنا واقعہ غاتا توننگ کن جوان ءُ گام گیج کننگک۔
