بجٹ آ شرہ و منظوری ٹی اپوزیشن ءِ حکومتی باسک آتیان زیات وخت تننگا، غٹ باندات آتے قاعدہ نا رداٹ سرتننگانے، اسپیکر قومی اسمبلی

اسلام آباد۔ 30جون (اے پی پی) اسپیکر قومی اسمبلی اسد قیصر پارینے کہ بجٹ آ شرہ و اونا منظوری ٹی اپوزیشن باسک آتے حکومتی باسک آتیان زیات وخت تننگانے و غٹ باندات آتے قاعدہ نا رداٹ سرتننگانے۔ چارشنبے نادے آ قومی اسمبلی ٹی مسلم لیگ (ن) نا باسک خواجہ محمد آصف و ایلوفتا کنڈآن چست کروک آ ٹک آتا ورندی ءِ ترسا اوپارے کہ قومی اسمبلی 5گھنٹہ 10منٹ انا مرغن ءُ شرہ سے آن پد فنانس بل 2021ء نا منظوری ءِ تسنے۔ سیشن اٹی حکومت و اپوزیشن نا کنڈآن 244باسک آک بجٹ آ لس شرہ ٹی بشخ ہلکر و 69گھنٹہ 5منٹ بیرہ کریر۔ اپوزیشن باسک آتے اوفتا جتا کروک وخت آن 16گھنٹہ 5منٹ زیات وخت اس کہ حکومتی باسک آتے بجٹ آ شرہ کن 13گھنٹہ نا زیات وخت تننگا۔ داکان بیدس مطالبات زر و کٹوتی نا تحریک آتے کن 16گھنٹہ 10منٹ و سینیٹ سلاہ تیا شرہ کن اسہ گھنٹہ 20منٹ تننگا۔ ہنداوڑ المی خڑچ آتیا اسہ گھنٹہ دہ منٹ شرہ کرفنگا۔ جم وڑاٹ بجٹ نا منظوری آ 93گھنٹہ خڑچ کننگا۔ ضمنی مطالبات زر انا منظوری کن ہم باسک آتے پین وخت تننگک۔ بجٹ اسے نا منظوری کن دااسہ ریکارڈ ٹائم اسے ہراباسک آتے تننگانے۔