اسلام آباد۔30جون (اے پی پی): ملک مستر ڈاکٹر عارف علوی ءِ یک میگاواٹ شمسی توانائی منصوبہ ءِ بُنگیج ءَ پد ایوان صدر سرجم ءَگرین انرجی ءِ سرءَ کنگ بوتگ۔ کہ ایشی ءَ پد ایوان صدر ہما ملک آنی تہا ہوار بوتگ کہ آیانی ایوان صدر سرجم ءَ گرین انرجی ءَ سرءَ اَنت۔ ۔ پریزیڈنٹ گرین انیشیوٹیو ءِ ردءَ اینگرو کارپوریشن ءِ گوما شریداری ءِ ردءَ اے منصوبہ سرجم کنگ بوتگ۔ اے منصوبہ ءَ چہ ایوان صدر ءَ ڑا بجلی سرکنگ ءَ ابید سد درسد گیشیں بجلی نیشنل گرڈ ءَ ہوار کنگ بیت۔ ماحولیاتی مٹ ءُ بدلی ءِ ردءَ پاکستان ھساب دنیا ءِ 10 درستاں چہ مستریں آماچیں ملک آنی تہا بیت۔ اے بابت ءَ ملک مستر ءَ گشتگ کہ آیوکیں نسل آں کفایت شعاری ءِ سبق دیئگ لوٹ ایت۔ آئی ءَ گشتگ کہ 14 سد سال پیسر مئے نبیۖ ءَ وتی پوشاک وتی دستاں گوں تیرِک جتگ اَنت۔ حکومت ءَ مزن وزیر عمران خان ءِ سروکی ءَ بیلن ٹری منصوبہ بندات کتگ کہ ملک ءِ قدرتی آسراتی ءَ را رکینگ ءِ ھاترءَ یک حاسیں گامگیج اِت۔ آئی ءَ گشتگ کہ ایوان صدر ءَ 10 ہزار درچک کِشک ءِ منصوبہ ءِ سرءَ چارءُ بچار کنگ ءَ اَنت۔ آئی ءَ گشتگ کہ گوست ءَ ایوان صدر ءِ چھت ءَ چہ روچ ءِ برانز اَتکگ اَنت بلے نوں اے وڑ نااِنت۔ آئی ءَ گشتگ کہ پریزیڈنٹ گرین انیشی ایٹو پروگرام ءَ کمک سرکنگ ءَ اینگرو کارپوریشن ءِ کوشستاناں ساڑاتگ ءُ گشتگ کہ دیمروئی ءِ کوشستاں نجی پڑ ءِ ہوار بوہگ ءَ چہ انرجی ءِ رکینگ ءَ ہوار بازیں پڑآں گہتری کیئت۔ صدر اینگرو کارپوریشن ریاض خان ءَ مراگش ءَ گوں تران کتگ ء ُگشتگ کہ گرین حکمت عملی دیمروئی ءِ حاسیں بہر اِت۔ اینگرو کارپوریشن ماحولیاتی جیڑہ ءَ را گیش ءُ گیوار کنگ ءِ ھاترءَ جوانیں کرد پیلو کنت۔
