کشمیر ءِ ہوالگءَ مئے  ھیال ءُلیکہ پدر اَنت، گوں ہمساہگیں ملک آں جوانیں سیادی لوٹاں، اوگانستان ءِ باندات ءِ فیصلہ ءَ اوگاناں وت کنگی اِنت،  ،   بھارت  فیٹف   ءَ را پہ سیاسی مول ءُ مراد ءِ ھاترءَ کارمرز کنگ ءَ اِنت، دری کارانی وزیر مخدوم شاہ محمود قریشی

اسلام آباد۔30جون  (اے پی پی): دری کارانی وزیر مخدوم شاہ محمود قریشی ءَگشتگ کہ بھارت ءَ ہوار درائیں ہمساہگیں ملک آنی گوما جوانیں سیادی ءِ لوٹوک اَنت۔ کشمیرءِ ہوالگءَمئے ھیال ءُ لیکہ پدر ءُ تچک اَنت۔ کشمیر ءِ جیڑہ ءِ گیش ء ُ گیواری کشمیری آنی لوٹ ءِ ردءَ کنگ بہ بیت۔ بھارت پاکستان ءِ سرءَ ڈرونز ءِ بھتانءَ جنگ ءَ اِنت کہ اے بے بُن ءُ دروگ اَنت۔ چارشمبے ءِ  روچءَ اوگان امن  عمل ، دمگی سلامتی وفیٹف ءِہوالگءَ چہ یک بیانے ءِ تہا دری کارانی وزیر ءَ  گشتگ کہ دنیا ءِ دیما پاکستان ءِ ھیال ءُ بھارت ءِھیال پدر بوتگ۔  ماگوں ہمسائیگانی گوما کہ آیانی تہا بھارت ہم ہوار اِنت جوانیں سیادی ءِ لوٹوک اَنت۔  آئی ءَ گشتگ کہ مزن وزیر عمران خان ء ُ تحریک انصاف ءِ حکومت ءِ پدریں پالیسی اِنت  کہ ما آیانی تہ ءُ توکی کارانی تہا دست مان ناکناں ، کشمیر ءِ ہوالگءَ زی ہم مئے  لیکہ ھیال ءُ تچک بوتگ مروچی ہم پدر ءُ تچک اِ ت، ما ہمے گپءَ گشگ ءَ اَنت کہ کشمیر ءِ  جیڑہ ءَ را کشمیری آنی لوٹ ءُ سلامتی کونسل ءِ تپاک نامہ آنی ردءَ گیش ءُ  گیوار بوہگ لوٹ ایت۔ دری کارانی وزیر مخدوم شاہ محمود قریشی ءَگشتگ کہ پاکستان بہ بیت یا امریکہ، چین بہ بیت یا روس یا ایندگہ ملک بہ بنت، ا ے درست سہولت کار ی کت کناں، اوگانستان  ءِ باندات ءِ فیصلہ ءَ اوگان وت  کنگی اِنت، مخدوم شاہ محمود قریشی ءَ گشتگ کہ مار وتی حفاظت ء ُ رکینگ ءِ ھاترءَ ہرچ وڑیں گامگیج چست کناں۔