اسلام آباد۔30جون (اے پی پی): مزن وزیر عمران خان ءَ السی جمہوریہ چین ءِ کمیونسٹ پارٹی (سی پی سی) ءِ سد سالی مراگش ءِ موہ ءَ چین ءِ صدر شی جنگ پنگ ءَ را مبارک بات پیش کتگ۔ چا ر شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ مزن وزیر ءَ السی جمہوریہ چین ءِ صدر ءُ سی پی سی ءِ سینٹرل کمیٹی ءِ جنرل سیکرٹری ءَ را سد سالی مراگش ءِ موہ ءَ مبارک باتی کلوہ روان دات۔ مزن وزیر ءَ وتی کلوہ ءَ گوشت کہ سی پی سی ءِ جوڑیشت ءِ واکیہ ءَ چہ میاں اوستمانی تاریخ ءِ سر ءَ دو سرئی برورد سہرا بنت۔ مزن وزیر ءَ وتی کلوہ ءَ گوشت کہ سی پی سی ءِ جوڑیشت ءِ واکیہ ءَ چہ تاریخ ءِ دو سرئی رند پد بوتگ انت۔ آئی ءَ چین ءِ کمیونسٹ پارٹی ءُ ایشی ءِ سروکی ءَ را توسیپ ءُ ستا پیش کنان ءَ گوشت کہ چین ءَ آجوئی ءُ ایشی ءِ دیرموئی کمیونسٹ پارٹی ءِ قربانی ءُ کوشست آنی نتیجگ انت۔ مزن وزیر عمران خان ءَ چینی الس ءِ گہبود ھاسیں رنگ ءَ گریبی ءِ ھلاسی ءُ چاگردی ءُ اقتصادی دیمروئی ءِ واستہ چین ءِ کمیونسٹ پارٹی ءِ کوشست آناں ساڑات۔ آئی ءَ امیت سہرا کت کہ چین صدر شی جن پنگ ءِ زانتکار ءُ جوانیں چینی راج ءِ گوما یکوئی جاڑی بیت۔ مزن وزیر ءَ پاک چین دوستی ءَ را دیمروئی دیگ ءَ سی پی سی ءِ کرد ءَ را ھم ساڑات۔ آئی ءَ گوشت کہ 2021 پاکستان ءُ چین ءِ سفارتی یکوئی آنی جوڑیشت ءِ 70 ھپتادھمی سالروچ ءِ سال انت۔ مزن وزیر ءَ اے گپ ءِ دل یکیمی ءِ درشان کت کہ پاکستان ءُ چین ءِ نیام ءَ دوستی آنی تہ ءَ گیش گیشی بیت ایشی ءَ چہ دوئیں ملک آنی سروکی ءُ الس واھشت ایگ انت۔
