پشاور۔30جون (اے پی پی):محکمہ کشت ءُ کار خیبر پختونخوا ءِ ایگریکلچر ایکسٹینشن ڈیپارٹمنٹ ھوار بوتگیں قبائلی ضلع آنی دھکان ءُ زمین دار آنی کشار ءِ ودینگ ءِ واستہ دو سرئی گامگیج کنگ ءَ انت ایشی ءَ چہ قبائلی ضلع آنی تہ ءَ کشت ءُ کشار ءِ شوبگ گیش دیمروئی کنت وھدیکہ دمگی وردن ءُ وراکی توم ءُ ایندگر کشار آنی ر د ءَ سیر لاپ باں۔ ڈائریکٹر کشت ءُ کشار ضلع کرم فیاض علی جان ءَ اے پی پی ءَ گوں تران کنان ءَ گوشت کہ قبائلی ضلع ھاسیں رنگ ءَ ضلع کرم ءِ ڈگار ءُ زمین باز پزور انت۔ ایگریکلچر ایکسٹینشن ڈیمپارٹمنٹ کرم ءَ ضلع ءَ کشت ءُ کشار ءِ ھولگ ءَ سک باز ارزشتی ایں گامگیج بندات کتگ ایشی ءَ چہ دمگ ءِ ڈگار آنی پزوری ءُ کشار ءِ ھوالگ ءَ باز پازیٹیو دیمروئی بوتگ ایشی ءِ تہ ءَ جتا جتائیں سبزی آنی کسم، توم آنی نوکیں نمونگ آناں شوہاز کنت، کشت ءُ کشار ءِ نوکیں کار رپک ھوار انت ایشانی واستہ ما جتا جتائیں کوچگ، دیہات ءُ ھند آنی تہ ءَ ھیل کاری بندات کتگ وھدیکہ جتا جتائیں سیمینار ءُ فیلڈ ءِ تر ءُ تاب ھم بند ءُ بست کناں۔ آئی ءَ گوشت کہ سبزی آنی پیداوار اولی بھر ءَ کم بوتگ انت نوں ماشاء اللہ ھُدا ءِ کرم ءَ چہ محکمہ کشت ءُ کشار ءِ بدولت ءَ الس آناں سرپدی ءِ تہ ءَ گیشی بوتگ ءُ آ سبزی آنی توم آں ھوار کشت ءُ کشار ءِ نوکیں نمونگ کش انت، پیسر ءَ پیداوار کمو بوگ نوں ھمے پیداوار دو سرئی سئے سرئی بوتگ۔ ضلعت کرم ءِ ھندی دھکان جمعہ خان ءَ گوشت کہ منی ڈیڑھ جریب ءِ ڈگار انت ایشی ءِ واستہ ایگریکلچر ایکسٹینشن ڈیپارٹمنٹ ءَ منان آلو ءِ توم پجاری کتگ، ایشی ءَ چہ آئی آلو ءِ پیداور ءِ تہ ءَ گیشی بوتگ، آ محکمہ کشت ءُ کشار ءَ ایگریکلچر ایکسٹیشنش ڈیپارٹمنٹ ءَ چہ سک باز شات ءُ گل انت چیا کہ آئی گامگیج آنی بدولت ءَ آوانی آلو ءِ کشار ءِ تہ ءَ باز گیشی بوتگ۔ آئی ءَ گوشت کہ اگاں اے رنگیں گامگیج آیوکیں وھد ءَ ھم کنگ بہ بیت گڈاس ضلع کرم ءَ جتا جتائیں پیداک بوھوکیں کشار آنی پیداوار ءِ سر ءَ رند پد سہرا بنت۔ ایشی ءَ چہ دمگ ءَ وشھالی کئیت۔ ضلع کرم ءِ ھندی دھکان رفیق حسین ءَ گوشت کہ آئی ءِ کشار کل کتگیں دار بزاں بمبو آنی بدولت ءَ مئے کشار مزنیں کسا ءَ رکھ انت۔ ایشانی سبب ءَ دلوت ءُ ھندی مردم کشار ءِ توک ءَ پُترت نہ کن انت ءُ ایشی ءِ سرجمیں کریڈٹ ایگریکلچر ایکسٹینشن ڈیپارٹمنٹ ءَ را رس ایت ، آئی ءِ جوانیں جوانیں سر ءُ سوج آنی سبب ءَ مئے کشار دلوت آں چہ رکھ انت وھدیکہ پیداوار ءِ تہ ءَ ھم گیشی گندگ بوتگ۔ سیڈڈیمانسٹریشن فارم انچارج ضلع کرم شاہد حسین ءَ گوشت کہ ایگریکلچر ایکسٹینشن ڈیپارٹمنٹ ھندی دھکان آناں ٹنل فارمنگ پجاری کنت وھدیکہ دھکان ءُ زمین دار آناں آف سیزن ءَ ھمے ٹنل پٹ کنگ ءِ واستہ توامیں کار رپک ءَ چہ سرپدی دینت ءُ پدا اے ٹنل ءِ چار ءُ بچار ھم کناں، ٹنل فارمنگ ءِ پٹ کنگ ءَ چہ آف سیزن ءَ ٹماٹر ءِ کشار کنگ بیت۔ آئی ءَ گوشت کہ ٹنل فارمنگ ءِ گوما ایندگر سامان ءُ پلاسٹک ھم پجاری کنگ بیت، ٹنل فارمنگ ءَ ایندگر سبزی آنی بابت ءَ سرپدی دیگ بوت کنت پدا ھم ٹماٹر ءِ کشار ءِ واستہ ٹنل فامنگ ءِ کار رپک بازیں کساس ءَ کار آمد ءُ سوبمند انت۔ ھندی دھکان جلال حسین ءَ گوشت کہ ایگریکلچر ایکسٹینشن ڈیپارٹمنٹ والا مارا ٹنل فارمنگ پٹ کنگ ءِ کار رپک ءَ گوشیت وھدیکہ ایشرا پٹ کنگ ءَ مئے کمک ھم کنگ بیت اسیں ڈیپارٹمنٹ ءِ ٹریننگ ءُ کمک ءِ بدولت مئے دھکان آنی پیداوار ءِ تہءَ گیشی بوتگ۔ آئی ءَ گوشت کہ محکمہ کشت ءُ کشار ھاسیں رنگ ءَ ایگریکلچر ایکسٹینشن ڈیپارٹمنٹ ءِ رد ءَ کمک ھندی دھکان آنی گوما جاڑی بوت گڈا دو یا پنچ سال آنی تہ ءَ دمگ ءِ الس آنی کسمت مٹ بیت وھدیکہ دمگ ءِ کشت ءُ کشار ی توم ءُ ایندگر کشار ءَ چہ سیر لاپ بنت۔
