اسلام آباد۔30جون (اے پی پی): مزن وزیر ءِ ھاسیں کمکار برائے وردن ءُ وراک ءِ رکھینوک ءُ پٹ ءُ پولکار جمشید اقبال چیمہ ءَ گوشت کہ ملک ءَ فروٹ ءُ سبزی آنی پیداور 30 درسد انت وھدیکہ توم ءَ را 80 درسد گیشی ءِ واستہ گامگیج کنگ ءَ آں، پاکستان 25 ارب ڈالر مالیت ءِ شیر ءُ ڈیری سامان برآمد کت کنت، کشت ءُ کشاری ٹرانسفارمیشن پلان ءَ وردن ءُ وراک ءِ ھوالگ ءَ ھاسیں دلگوشی دیگ ءَ انت، حکومت ءِ کوشست انت کہ پاکستان وردن ءُ وران ءِ برآمد کنوکیں ملک جوڑ بیت، دھکان کنونش مرچی پنچ شمبے ءِ روچ ء بیت ایشی ءِ اندر ءَ چاریں صوبگ، گلگت بلتستان ءُ آزات کشمیر ءَ گوں سیادی داروکیں کارندہ ءُ میاں اوستمانی کلانہ آں ھم بھر زوری کت۔ اے ھیالانی درشانی آئی ءَ چار شمبے ءِ روچ ءَ ادا پریس کانفرنس ءَ گوں گشتانک دیان ءَ کت۔ آئی ءَ گوشت کہ وردن ءُ وراک ءِ رکھینگ ءِ واستہ حکومت ءَ کشت ءُ کشار ی شوبگ ءِ بجٹ ءَ را گوستگیں زمانگ ءِ مقابلہ ءَ 1.6 کلدار ءَ تاں ودینان ءَ 62 ارب کلدار ءَ تاں گیش کتگ، مزن وزیر ءِ ویژن ءِ رد ءَ ملک ءَ را سرسبز جوڑ کنگ بیت، کشت ءُ کشار ملک ءِ دیرموئی ءَ ارزشت دار ایت، حکومت ایشی ءِ توامیں شوبگ آناں ھمکچیں دیمروئی دیگ ءِ واستہ گامگیج آنی رد ءَ کار کنگ ءَ انت۔ کشت ءُ کشار ملک ءِ دیمروئی ءَ ارزشت دار ایت، حکومت ایشی ءِ توامیں شوبگ آناں ھمگونگیں رد ءَ دیمروئی دیگ ءِ واستہ جوانیں گامگیج آنی چیر دستی ءَ کار کنگ ءَ انت۔ آئی ءَ گوشت کہ وردن ءُ وراک سکیں ارزشتی ایں شوبگ ات ایشی ءِ ھوالگ ءَ گوست ءَ اینچوک دلگوشی دیگ نہ بوتگ۔ زھگ آنی رودینگ ءِ واستہ وردن ءُ وراکی سک باز ارزشتی انت۔ استیں حکومت ءَ سروکی ءَ آیگ ءَ پد پیداوار ءَ ودینگ ءِ بابت ءَ دلگوشی کتگ ءُ ایشی ءَ ھوار شہری آناں وردن ءُ وراک ءِ رکھینگ ءِ بابت ءَ زانت ءُ سرپدی ءُ دلگوش کنگ ءِ ھوالگ ءَ گامگیج ھم کتگ۔ ملک ءَ فروٹ ءُ سبزی آنی پیداوار 30 سرئی گیش وھدیکہ توم آنی پیداور ءَ را 80 درسد گیش کنگ بوھگ ءَ انت۔ آئی ءَ گوشت کہ لائیوسٹاک ءِ دیمروئی ءِ واستہ ھم گامگیج کنگ ءَ آں، دلوت آنی نسل ءِ تہ ءَ گہتری آرگ ءِ واستہ ھم کار کنگ بوھگ ءَ انت۔ ڈن ملکی گوک مئے گوک آں چہ شش سرئی گیش شیر دینت، مئے کرا شیر مہنگا انت، ما شیر ءَ را ساپ ءُ سلہ کنگ ءِ واستہ گامگیج کنگ ءَ آں کجام ھم ٹوھیں شہر ءِ اندر ءَ شیر ٹیست ءَ بغیر شہر ءِ اندر ءَ برگ نہ بیت۔ آئی ءَ گوشت کہ بلوچستان ، فاٹا، جی بی ءُ پوٹھوار ءَ بازیں زمین گیر آبات انت، فاٹا ءَ را 52 ارب مردم آنی آباتی ءِ واستہ داتگ، شمالی دمگ آنی تہ ءَ فروٹ ءُ سبزی کشاں، درستیں ڈرائی فروٹ ھندی تک ءَ کشاں، آئی ءَ گوشت کہ ما وردن ءُ وراک ءِ نظام ءِ توک ءَ گہتری آران ءَ وردن ءُ وران ءِ رد ءَ ما ایندگر ملک آنی کچ ءَ کایاں۔ آئی ءَ گوشت کہ مرچی پنچ شمبے ءِ روچ ءَ کنونشن بوھگی انت ایشی ءِ اندر ءَ توامیں صوبگ آنی تہ ءَ مردم بھر زوری کناں۔ گیشتریں زانتکار چہ چین ءَ پیداک انت چیا کہ درستاں چہ گیش کشت ءُ کشار چین ءَ کتگ۔ ما چین ءِ ریسرچ ءَ کاراں۔ ٹیکنالوجی یورپ ءَ چہ سلو گام ءَ رسیت ءُ چین ءَ چہ آسانی ءَ رسیت۔ آئی ءَ گوشت کہ کشت ءُ کشار ءِ تہ ءَ گہتری کار صوبگ آنی وسیلگ ءَ انت۔ آئی ءَ گوشت کہ وتی کروڑ آنی دلوت آنی استیں نسل ءَ را گیش شیر دیوکیں دلوت آں گوں مٹ کناں۔ آئی ءَ گوشت کہ حکومت کشت ءُ کشاری ٹرانسفارمیشن ءِ وسیلگ ءَ وردن ءُ وراک ءُ کشت ءُ کشار ءِ سر ءَ دلگوشی دیگ ءَ انت۔ مزن وزیر عمران خان مرچی دھکان کنونشن کشت ءُ کشاری ٹرانسفارمیشن ءِ سر ءَ چمشانک دنت۔
