اسلام آباد۔ 29جون (اے پی پی) چیئرمین سینیٹ محمد صادق سنجرانی پارلیمانی ڈل اتون اوار پختونخواملی عوامی پارٹی نا مسکوہی سینیٹر ایماندار محمد عثمان خان کاکڑ نا مسلم باغ اٹی اونا اُراغا ہنسا اونا خاہوت تون ہڑزخواہی کرے۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ محمد عثمان کاکڑ نا بخشش و درجہ غاتا بڑزی کن دعا کرے۔ اوپارے کہ ایماندار سینیٹر نا اناگت کزیت آ است ہسون مس، صوبہ بلوچستان اسہ قد آور سیاست دان اسے آن محروم مس، ایماندار سینیٹر صوبہ بلوچستان نا الس نا سہی وڑاٹ ترجمانی ءِ کرے۔ چیئرمین سینیٹ پارے کہ محمد عثمان خان کاکڑ سینیٹ ہاؤس و سینیٹ نا کمیٹی تیٹی بلوچستان نا ویل آتے پبی وڑاٹ تالان کرے۔ ملک انا پسماندہ علاقہ جاٹ و خاص وڑاٹ صوبہ بلوچستان کن عثمان خان کاکڑ نا خذمت آتے مدام یات تخنگک۔ اوپارے کہ عثمان کاکڑ اسہ اصول پرست ءُ سیاست دان اس ئس۔ عثمان کاکڑ نا سیاسی و راجی خذمت آتے مدام یات تخنگک، ایماندار پسماندہ تپہ غاتا حق انا فراوانی کن مدام جہد کرسا کرے۔ اوپارے کہ عثمان کاکڑ نا کزیت آن بھاز بھلو سیاسی خورکی اس ودکی مسنے ہرادے پُر کننگ مشکل ءِ۔ چیئرمین سینیٹ پارلیمانی ڈل اتون اوار زرس وخت غمزدہ خاہوت تون گدریفے۔ پارلیمانی ڈل اٹی چیئرمین سینیٹ تون اوار سینیٹرز سرفراز احمد بگٹی، احمد خان، محمد عبدالقادر، منظور کاکڑ، دنیش کمار و پرنس عمر احمد زئی ئسک اوار ئسر۔
