اسلام آباد۔ 29جون (اے پی پی) چیئرمین کشمیر کمیٹی شہریارخان آفریدی اقوام متحدہ نا سیکرٹری جنرل انٹونیوگٹریش نا کنڈآن بھارت نا غیرکانودی کوزہ گیر حکومت نا کشمیری چناتے نظربند کننگ آ گڑتی نا درشانی نا ستاءِ کرینے۔ سے شنبے نادے آ داڑے جاری بیان اسے ٹی او پارے کہ انٹونیوگٹریش نا بھارت اٹ کشمیری چناتیا بیدادی نا چٹفنگ نا خواست ستاکڑزک۔ انٹونیوگٹریش بھارت اٹ کشمیری چناتیا پیلٹ گن آتا غیرکانودی کاریم اٹ اتنگ ءِ توننگ نا ہم خواست کرینے، سیکرٹری جنرل اقوام متحدہ کشمیری چناتیا برجابھارتی ظلم و بیدادی آہم فریشانی نا درشانی ءِ کرے۔ شہریارخان آفریدی پارے کہ سیکرٹری جنرل اقوام متحدہ نا رداٹ بھارت ءِ کشمیری چناتا نظربندی ءِ آخیریکو کسرنا وڑاٹ بایدے اختیار کروئی ئسک۔ اقوام متحدہ سیکرٹری جنرل نا پاننگ ءِ کہ بھارت ءِ کشمیری چناتا نظربندی نا کم آن کم مدءِ طے کروئی ئسک۔ شہریارخان آفریدی پارے کہ انٹونیوگٹریش نا بھارت اٹ حراستی ہند آتے ٹی ہروڑنا ناروا سلوک نا توننگ کن خواست انا ستاءِ کینہ۔
