اسلام آباد۔ 29جون (اے پی پی) احتساب عدالت جعلی اکاؤنٹس کیس اٹی مسکوہی صدر آصف علی زرداری نا برخلاف 8ارب نا شکبر ٹرانزیکشن ریفرنس آ دوبہ دار مشتاق علی ءِ نوٹس جاری کرسا سماعت ءِ 27جولائی اسکان پد بٹینے۔ سے شنبے نادے آ احتساب عدالت نا جج اصغر علی 8ارب روپئی نا شکبر ٹرانزیکشن کیس انا سماعت ءِ کرے۔ سماعت اٹی مسکوہی صدر آصف علی زرداری تینا وکیل فاروق ایچ نائیک تون اوار پیش مس وخت اس کہ اونا مسڑ آصفہ بھٹو زرداری ہم عدالت اٹ پیش مس۔ سماعت اٹی مسکوہی صدر نا وکیل فاروق ایچ نائیک موقف ءِ تینا کرے کہ داکیس اٹ آصف علی زرداری نا ضمانت مسنے، اوعدالتی فیصلہ ءِ عدالت اٹ پیش کرے وخت اس کہ نیب پراسیکوٹر خواست کرے کہ داکیس اٹ دوبہ دار مشتاق علی پیش متنے او دبئی آ ہنانے، دوبہ دار مشتاق نا وارنٹ جاری کننگے۔ فاضل جج تفتیشی آفیسر ءِ پارے کہ دوبہ دار مشتاق نا ڈس و نشان ہراجاگہ نا ءِ۔ ہراڑآ تفتیشی ورندی تس کراچی و شکارپور نا ڈس و نشان ءِ۔ عدالت دوبہ دار مشتاق ءِ طلبی نا نوٹس جاری کرسا کیس انا سماعت ءِ 27جولائی اسکان پد بٹے۔
