اسلام آباد۔ 29جون (اے پی پی) خلیجی ملک بحرین اٹی کاریم کروک آ پاکستانی خواری کش آتا زررادہ کننگ اٹ برجامالی سال انا اولیکو 11تُواٹی تدوک آ مالی سال انا ہندا مدانا مقابلہ ٹی 12.4درسد نا ودکی مسنے۔ اسٹیٹ بینک انا کنڈآن دابابت جاری کروک حساب وکتاب نا رداٹ جولائی آن ہلیس مئی 2021اسکان نا مداٹی بحرین اٹ کاریم کروک آ پاکستانی خواری کش آک 426.4ملین ڈالر نا زرمبادلہ ملک آ مون تسر ہراتدوک آ مالی سال انا ہندامد انا مقابلہ ٹی 12.4درسد زیات ءُ۔ تدوک آ مالی سال انا ہند امداٹی بحرین اٹی کاریم کروک آ پاکستانی خواری کش آک 379.3ملین ڈالر نا زرمبادلہ ملک آ مون تسوسر۔ مئی 2021ء ٹی بحرین اٹی کاریم کروک آ پاکستانی خواری کش آک 35.8ملین ڈالر نا زرمبادلہ ملک آ مون تسر، تدوک آ سال مئی ٹی بحرین اٹی کاریم کروک آ پاکستانیک 315.2ملین ڈالر نازرمبادلہ ملک آ مون تسوسر۔ یات سلے کہ برجامالی سال اٹی سمندر پارپاکستانی تا ترسیلات زر اٹی تدوک آ مالی سال انا ہند امدانا مقابلہ ٹی جم وڑاٹ 29.4درسد نا ودکی مسنے۔
