اسلام آباد۔28جون (اے پی پی): مزن وزیر عمران خان ءَ گوں زالبولیں باسک راجی اسمبلی سیمی بخاری، ثوبیہ کمال، روبینہ جمیل، فوزیہ بہرام، رخسانہ نوید، تاشفین سردار، وجیہہ اکرم ، صائمہ ندیم ءُ ڈاکٹر ظل ہما ءَ دو شمبے ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیگم ءَ جاڑی بوتگیں بیان ءِ رد ءَ گند ءُ نند ءَ زالبول آںی گہتری ءُ دیمروئی ءِ واستہ جتا جتائیں گامگیج آنی سر ءَ ھیال ریچی کنگ بوت۔ زالبولیں اسمبلی ءِ باسک آں الس دوستیں بجٹ ءِ پیش کنگ ءِ پد ءَ مزن وزیر ءُ حکومتی معاشی ٹیمب ءَ را توسیپ ءُ ستا پیش کت۔
