کوئٹہ۔ 28جون (اے پی پی) وزیراعلیٰ بلوچستان جام کمال خان ایف سی نا چوکی تے دیر انا سپلائی کروک آ دیر انا ٹینکی نا خڑک آ بمب دھماکہ نا ترند انگا لوز آتے ٹی مذمت ءِ کرسا پارینے کہ دہشت گرد آک و تخریب کار آک داوڑنا لغوری جلہو آتیان ننا حوصلہ ءِ شیف شاغنگ کپسہ۔ داہیت ءِ او تینا جاری کروک بیان اسے ٹی کرے۔ وزیراعلیٰ بلوچستان جام کمال پارے کہ دہشت گرد آتا برخلاف جنگ اٹ سیکورٹی فورس آک بے پناہ قربانی تسنو۔ دہشت گرد آک داوڑنا لغوری نا جلہو آتیان ننا حوصلہ ءِ شیف شاغنگ کپسہ۔ وزیراعلیٰ بلوچستان کانود نافذ کروک آ ادارہ غاتیا زور شاغا کہ او زوت آن زوت اوار زموار آتے دزگیر کرسا اوفتے اوفتا کروک نا سزا تننگے۔ اوشہید مروک آ کارندہ نا بخشش کن دعا کرے و پدسلوک آ خاہوت تون یکجہتی نا درشانی ءِ کرے۔
