اسلام آباد۔27جون (اے پی پی): مزن وزیر عمران خان ءَ گوشت کہ روشن ڈیجیٹل اکائونٹ ءَ گیش دیمروئی در جتگ، ءُ جم کتگیں دو ارب ءُ پنجاہ کروڑ ڈسالر ءَ چہ گیش بوتگ انت۔ یک شمبے ءِ روچ ءَ وتی ٹویٹ ءَ آئی ءَ گوشت کہ سٹیٹ بینک ءَ چہ وشیں ھال رستگ کہ روشن ڈیجیٹل اکائونٹ ءَ گیش دیمروئی در جتگ ۔ آدینگ ءِ روچ ءَ روشن ڈیجیٹل اکائونٹ ءَ زر دو ارب پنجاہ کروڑ ڈالر ءَ چہ گیش ود اتگ انت وھدیکہ نوکیں پاکستان سٹیفیکٹس آنی تہ ءَ سرمایہ کاری 1 ارب ڈالر ءَ چہ گیش ود اتگ انت۔ مزن وزیر عمران خان ءَ گوشت کہ اکاوئنٹس ءُ ڈیپازٹس آں 2 ماہ ءَ چہ پیسر یک ارب ڈالر ءِ ایونٹ ءَ چہ پد نوکیں ریکارڈ برجا کتگ انت۔ مزن وزیر ءَ وتی ٹویٹ ءَ روشن ڈایجیٹل اکاونٹ ءَ جم بوھویکیں زر آنی ھمک ماھی سرجمیں ریکاٹ شیئر کتگ انت۔ ایشانی رد ءَ روشن ڈیجیٹل اکائونٹ ءَ ستمبر 2020 ءَ 6 ملین ڈالر جم بوتگ ایش اکتوبر ءَ 42 ملین ڈسالر، نومبر ءَ 110 ملین ڈسالر، دسمبر ءَ 250 ملین ڈسالر، جنوری 2021 ءَ 418 ملین ڈسالر، فروری ءَ 594 ملین ڈالر، مارچ ءَ 806 ملین ڈالر، اپریل ءَ 1055 ملین ڈالر، مئی ءَ 1261 ملین ڈالر ٰٗ 25 جون ءَ تاں 1503 ملین ڈالر بوتگ انت۔
