اسلام آباد۔27جون (اے پی پی): مزن وزیر عمران خان ءَ گوشت کہ پاکستان ءَ تاریخ ءِ درستاں چہ مستریں نھال کشگ ءِ بنگیج کنگ بوھگ ءَ انت۔ یک شمبے ءِ روچ ءَ وتی ٹویٹ ءَ مزن وزیر عمران خنا ءَ گوشت کہ آئی ءِ واھشت انت کہ توامیں پاکستانی ھاسیں رنگ ءَ ورنا نھال کشگ ءِ گامگیج ءِ تہ ءَ گیشاں چہ گیش بھر زوری بکن انت۔ مارا اے پڑ ءَ بازیں کار کنگی انت۔ مزن وزیر ءَ وتی ٹویت ءَ دگنیا ءِ جتا جتائیں ملک آنی آباتی ءِ رد ءَ درچک آنی چارٹ ھم شیئر کت، ایشی ءِ رد ءَ دگنیا ءَ یک بنی آدمے ءِ واستہ 422 درچک انت وھدیکہ پاکستان ءَ اے کساس ایوک ءَ یک ءُ پنچ ایگ انت۔ بزاں یک مردمے ءِ واستہ ایوک ءَ 5 درچک انت۔ کینیڈا درستاں چہ برزتری لڑ ءَ انت یک مردمے ءِ رد ءَ 10 ہزار 163 درچک انت۔ گرین لینڈ ءَ اے کساس یک ءُ 4964، آسٹریلیا ءَ 3266، امریکہ ءَ 699 ، فرانس ءَ 203 انت چین ءَ 130، برطانیہ ءَ 47 انت ءُ بھارت ءَ 28 انت۔ پاکستان تحریک ءِ انصاف ءِ حکومت ءَ ملک ءَ درچک کشگ ءُ ایٹماسپیئر ءِ گہتری ءَ را اولی کار لیکیتگ ءُ مزن وزیر عمران خان ءِ ویژن ءِ رد ءَ ملک ءَ 10 ارب درچک جنگ ءِ منصوبگ ءِ بنگیج کتگ ایشی ءِ چیر دستی ءَ سرجمیں ملک ءَ وھد وھدے سر ءَ موسم ءِ رد ءَ نھال کشگ ءِ گامگیج کنگ بوھگ ءَ انت۔ ملک ءَ بہار ءِ موسم ءِ ساھت ءَ نھال کشگ ءِ واستہ ھم تیاری بندات کنگ بوتگ۔ حکومت ءِ نیمگ ءَ شہری آناں اے گامگیج آناں ھوار کنگ بوتگ ءُ ایش ناں ایوک ءَ سرکاری تک ءَ بلکینگ ءَ جتا جتائیں چاگردی پڑ ءُ ادارگ ءُ گل ءُ مردم ھم ایشی ءِ تہ ءَ گیشاں چہ گیش بھر زوری بکن انت۔
