اسلام آباد۔27جون (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ گلگت بلتستان ءَ بلاول ءُ مریم نواز الیکشن گامگیج ءِ تگ ءُ تاچ ءَ چہ پاگل بوتگ انت، ایشی ءَ پد سہرا بوتگ کہ آوانی گل ءِ ٹکٹ زوروک آنی مزنیں کساس ءِ گچین کاری ءَ بھر نہ زورگ ءَ انت۔ یک شمبے ءِ روچ ءَ وتی ٹویٹ ءَ آئی ءَ گوشت کہ کشمیر ءَ پیپلز پارٹی ءِ 8 امیت وار الیکشن ریس ءَ انت، بلاول ءِ تران ءَ چہ سما بوھگ ءَ انت کہ آ وت وتی پارٹی پوزیشن ءَ چہ سر پد نہ انت۔
