گیس فیلڈز  ءِ مینٹیننس زوت سرجم کنگ بیت، ایف اے ٹی ایف ءِ سر ءَ اپوزیشن ءِ بیان بازی سک باز اپسوزی انت،  بنجاھی وزیر ھاٹیگ  حماد اظہر ءِ پریس کانفرنس

اسلام آباد ۔26جون (اے پی پی): بنجاھی وزیر ھاٹیگ حماد اظہر ءَ گوشت کہ گیس فیلڈز ءِ مینٹیننس زوت سرجم بیت، اپوزیشن مرچی باندات بے روزگار  انت۔  مسلم لیگ ن کمال کنگ ءَ انت ءُ جست ھم کنگ ءَ انت ، ایف اے ٹی ایف ءِ سر ءَ اپوزیشن ءِ بیان اپسوزی انت، فیٹف ءِ ھوالگ ءَ دو  سال ءُ شش ماہ ءَ چہ مئے ٹوھیں کامیاتی بوتگ ءُ آ پاکستان تحریک انصاف ءِ دور ءَ بوتگ انت، فیٹف ءِ سروک  آ پیسر ء بلیک لسٹ کنگ ءِ  گپ ءَ کنگ ءَ بوتگ انت مرچی پاکستان ءِ توسیپ  ءَ کنگ ءَ انت۔  ایشی ءَ چہ سرجمیں پاکستنا ءِ سیت انت۔ ایشی ءَ اپوزیشن مہ ترس ایت ءُ ایشرا پاکستان ءِ باج برئی بہ پھم ایت ءُ  اے کہ کمو کار بچ اتگ ایشاں ما  انشاء اللہ دوہازدہ ماہ ءَ  سرجم کناں  ھمے ھاترا  وتی سیاست ءِ واستہ  پاکستنا ءَ را تاوان مدینت۔ اے ھیالانی درشانی بنجاھی وزیر ھاٹیگ حماد اظہر ءَ شمبے ءِ روچ ءَ  اسلام آباد ءَ پریس کانفرنس ءَ گوں گشتانک دیان ءَ کت۔