اسلام آباد۔26جون (اے پی پی): مزن وزیر عمران خان ءَ ایم کیو ایم ءِ ڈل ءَ گند ءُ نند کت ایشی ءِ اندر ءَ اسمبلی ءِ باسک آنی گچین کاری دمگ آنی جیڈھ، جاڑیگیں دیمروئی منصوبگ ءُ بجٹ ءِ کار آنی سر ءَ باوست ءُ تران کنگ بوتگ، مزن وزیر کارگس ءِ میڈیا ونگ ءِ نیمگ ءَ جاڑیگیں بیان ءِ رد ءَ گند ءُ نند ءَ ھاسیں سیاسی کار ملک عامر ڈوگر، راجی اسمبلی ءِ باسک صابر حسین قائمخانی، صلاح الدین، اقبال محمد علی خان، اسامہ قادری ءُ کشور زہرہ شریک بوت۔ گند ءُ نند ءَ سیادی داروکیں دمگ آںی جیڈھ، جاڑیگیں دیمروئی منصوبگ ءُ بجٹ ءِ کار آنی سر ءَ تران کنگ بوت۔ شریکیں مردم حیدر آباد ءَ حکومت ءِ نیمگ ءَ منظور کتگیں یونیورسٹی ءُ کراچی ءُ حیدر آباد ءَ دیمروئی کار آنی واستہ پی ایس ڈی پی فنڈز گیشینگ ءِ پد ءَ مزن وزیر ءِ شگر ءُ منت گپت۔
