اسلام آباد۔26جون (اے پی پی): وزیر ءِ ھزانگ شوکت ترین ءَ جار جت کہ ھرچ سیر لاپیں مردم ءِ ٹیکس نہ دنت آ جیل ءَ روت، 2023 ءَ تاں، ‘محصولات’ 7000 ارب کلدار ءَ تاں براں، مزن وزیر عمران خان آئی ایم ایف ءِ دیم ءَ پرشتگ۔ آ گریب آنی سر ءَ بار نہ لڈ آں، پٹرول ءِ نیاد آنی تہ ءَ گیشی نہ کنت وھدیکہ راجی اسمبلی ءَ گیشی ءَ گوں اپوزیشن ءِ وزارت ءِ ھزانگ ءِ کٹوتی ءِ جنز رد کنان ءَ 15 لوٹ آنی منظوری داتگ۔ شمبے ءِ روچ ءَ راجی اسمبلی ءَ وزارت ءِ ھزانگ ءِ ‘زر” ءِ لوٹ ءِ اپوزیشن ءِ کٹوتی ءِ جنز آنی ھوالگ ءَ ھیال آنی درشانی کنان ءَ وزیر ءِ ھزانگ شوکت ترین ءَ گوشت کہ ملک ءَ بجٹ ءِ جوڑ کنگ ءِ ھما سسٹم چلگ ءَ انت ایش سئے سال کوھن نہ انت بلکینگ ءَ 74 سال ءَ چہ ھمے نظام انت، اپوزیشن وتی 30 سال ءَ اے نظام ءَ را بچار ایت ، آ ٹیکسیشن ءِ نظام ءَ را بچار ایت، ما ھم اے نظام ءِ بابت ءَ گوشاں کہ اے شر نہ انت پدا ھم ایشرا شر کنگ ءَ آں۔ ما گہتری ءِ گپ کتگ، الس آناں گس دیگ، شہری دمگ آنی نندوکیں مردم آنی کاروبار ءِ واستہ وام دیگ ءُ دھکان آنی واستہ کشت ءُ کشاری وام ءِ ھوالگ ءَ کار کنگ ءَ آں۔ ادا استیں حکومت ءِ آئی ایم ایف ءِ کرا شتگ، چے آوانی دور ءُ باریگ ءَ اے مردم آئی ایم ایف ءِ کرا نہ شتگ انت۔
