پاکستان وتی سرڈگار ءَ را اوگانستان ءِ ھلاپ ءَ کارمرد کنگ ءَ نئیل ایت، اوگانستان ءَ چہ ھم ھمے امیت انت کہ آ اچ رنگیں اے وڑیں کار مہ کن انت  آئی ءَ چہ پاکستان ءِ جان ءُ مال ءَ را تاوان بہ پُج ایت، بنجاھی وزیر تہی کار شیخ رشید احمد ءِ میڈیا ءَ گوں تران

اسلام آباد۔26جون (اے پی پی): بنجاھی وزیر تہی کار شیخ رشید احمد ءَ گوشت کہ مزن وزیر عمران خان  ءَ سہرا  کتگ کہ پاکستان وتی سرڈگار ءَ را اوگانستان ءِ ھلاپ ءَ کارمرد کنگ ءَ نئیل ایت، پدا ھم اوگانستان ءَ چہ   ھمے امیت دار آں کہ آ اچ اے رنگیں کار  مہ کن انت آئی ءَ چہ پاکستان ءِ جان ءُ مال  ءَ را تاوان بہ رس ایت، سیف سٹی ءِ چیر دستی ءَ اسلام آباد  پولیس ءِ نفری آناں ودینگ ءَ آں، 5 جولائی ءَ بگر تاں اسلام آباد ءَ ریسکیو 1122 ءِ سروس  ءَ را بندات کنگ بیت، پاک اوگان بارڈر ءِ سر ءَ 88 درسد باڑ جنگ بوتگ ایشی ءَ چہ آیوکیں ماہ  کار بندات بیت۔  شمبے ءِ روچ ءَ  پمز ہسپتال اسلام آباد ءَ ٹپیگیں  دو پولیس کارندہ آنی ھال پرسی ءِ موہ ءَ میڈیا ءَ گوں تران کنان ءَ بنجاھی وزیر تہی کار ءَ گوشت کہ بجٹ 30 جون ءَ پاس بیت، ما  4 یا 5 جولائی ءَ ریسکیو 1122 ءِ بندات ءَ کناں۔، 6 گاڑی پیسر ءَ چہ اوشتاتگ انت، 25 گاڑی آناں سکواڈ  ءَ آرگ ءَ آں۔ سیف سٹی ءِ چیر دستی ءَ 4 گاڑی  پیسر اوشتاتگ انت اے چوکی آنی سر ءَ ھرچی حساس انت وھدیکہ گیش 16 شانزدھ گاڑی بجٹ ءَ آورتگ انت۔ سرجمیں کوشست انت کہ الس آنان سیکورٹی پجاری بکناں۔ آئی ءَ اسلام آباد ءِ دوئیں پولیس ورنا ءُ ایس ایچ او  ءَ را شاباشی دات ءُ دوئیں کارندہ آناں وےتی جیب ءَ چہ 25-25 ہزار کلدار  انعام دیگ ءِ جار جت۔ آئی ءَ گوشت کہ پاکستان ءَ برجائی مزن وزیر عمران خان ءِ دور ءُ باریگ ءَ اتکگ۔ معیشت گہتر بوتگ۔