اسلام آباد۔ 06جون (اے پی پی) صدر مملکت ڈاکٹر عارف علوی علامہ اقبال اوپن یونیورسٹی نا وائس چانسلر ءِ ہارڈشپ کیس انافیصلہ ءِ اسہ طالبہ سے ناحق اٹ کننگ نا پارت کرینے ہرادے یونیورسٹی انتظامیہ نا بدانتظامی نا سوب آن ایم ایڈنا ڈگری جاری کننگ آن انکار کننگاسس۔ صدر مملکت دارداٹ بنجائی محتسب نا فائنڈ نگز ءِ ہم معطل کرینے ہراٹی بنجائی محتسب سپریم کورٹ نا اسہ فیصلہ سے نا حوالہ ءِ ترسا گونداسس کہ عدالت آک تعلیمی ادارہ غاتا پالیسی باندات آتے ٹی نیام تمنگ آن پانادکیر۔ غاوکروک مس آسیہ سعید ملک بنجائی محتسب نا فیصلہ نا برخلاف صدر پاکستان تون اپیل دائرکریسس۔ صدر مملکت، ہرا یونیورسٹی نا چانسلر ہم ارے،م داکیس ءِ منفرد گوندانے ہراٹی یونیورسٹی نا کمامدارآک تینابدانتظامی نا مون ءِ توننگ نا جاگہ غا طالبہ ءِ شست کریر۔ مس آسیہ سعید یونیورسٹی ناایم۔ایڈپروگرام اٹ داخل ئس، اوخزاں 2017ء ٹی مروک آ امتحان اٹی پیش مس ولے او ورکشاپ اٹی اوار مننگ کتو۔ اودے اوکان پدعلامہ اقبال اوپن یونیورسٹی لیٹرنمبرNo. F.M.Ed/MD Edu.-W/S (Spr-19) MN/115 dated 21.08.2019نا ذریعہ ورکشاپ اٹ اوار مننگ نا موکل تننگا ولے بالاخراودے ڈگری تننگ آن انکار کننگا، ہنداطالبہ یونیورسٹی انتظامیہ نا ناانصافی نا برخلاف بنجائی محتسب تون رابطہ کرے۔ علامہ اقبال اوپن یونیورسٹی موقف اختیار کرے کہ عملہ ردینک اٹ ورکشاپ اٹ اوار مننگ نا موکل تس، داسہ جعلی ءُ چھٹی اس ئس و قاعدہ وضابطہ نا رداٹ طالبہ ءِ دُوارہ داخلہ ہلوئی مریک۔ طالبہ نا گڑتی تیانوٹس ہلسا صدر مملکت پارے کہ یونیورسٹی زہمی طالبہ ءِ مشکل اٹ دوئی اہلیت آن محروم کننگ کن حیلہ جوئی نا سیبو ہلکونے۔ تینا نوشتہی آرڈراٹ صدر مملکت علامہ اقبال اوپن یونیورسٹی ایکٹ 1974نا سیکشن 12نا حوالہ ءِ تسنے ہراوائس چانسلر ءِ حقی ہارڈشپ اموراٹ اکیڈیمک کونسل نا موکل آن قاعدہ نرم کننگ نا اختیار ایتک۔ صدر مملکت پارے کہ یونیورسٹی نا وائس چانسلرتون دااختیار ارے کہ او ناانصافی نا گواچی سائلہ ءِ نتیجہ و ڈگری جاری کرسا اودے آسراتی فراوا ن کے۔
