اسلام آباد۔20مئی (اے پی پی):ترجمان درئی کارانی کارگس زاہد حفیظ چوہدری ءَ یونائیٹڈ نیشن ءِ سلامتی کونسل ءِ زور پر دات کہ آ اسرائیل ءَ را ایشی جنگی جرم ءُ بنی آدمی ھک آںی ھلاپ ءَ بوھوکیں جرم آنی زمہ وار کنائینگ ءُ فلسطین ءِ جیڈھ ءِ گیواری ءِ واستہ یونائیٹڈ نیشن ءِ منوگری آنی رد ءَ بہ بیت۔ پنچ شمبے ءِ روچ ءَ ھمک ھپتگی بریفنگ ءِ ساھت ء۔ ترجمان ءَ گوشت کہ کشمیر ءِ جیڈھ ءُ فلسطین یونائیٹڈ نیشن ءِ سلامتی کونسل ءِ ایجنڈا آنی تہ ءَ درستاں چہ مستریں گیوار بوھگی جیڈھ انت۔ آئی ءَ گوشت کہ پاکستان فلسطینی الس آنی ھلاپ ءَ اسرائیلی زوراکیں فورسز آنی نیمگ ءَ چہ کودکیں بے کسوریں مردم آنی لگت مالی ، ھاسیں رنگ ءَ مسجد اقصی ءِ بے شرپ کنگ ءَ را مذمت کنت انت۔
