اسلام آباد۔20مئی (اے پی پی):فلسطینی الس آں یکوئی ءِ درشان ءُ بے کسوریں فلسطینی آنی ھلاپ ءَ اسرائیلی ارش آنی مذمت ءِ واستہ راج باندات آدینگ ءِ روچ ءَ “یوم فلسطین” برجم دار ایت، سرجمیں ملک ءَ کورونا ھوپ ءِ ھوالگ ءَ ایس او پیز آناں ڈلگچار داران ءَ جتا جتائیں ریلی ءُ جاک برجم دارگ بیت ایشانی تہ ءَ فلسطینی الس آنی گوما یکوئی ءُ اسرائیل ءِ ظلم ءُ زوراکی ءَ را مذمت گران ءَ میاں اوستمانی برات آنی دلگوش ءَ را آوانی زمہ واری آنی نیمگ ءَ کنائینگ بیت۔ آدینگ ءِ روچ ءَ مچی آنی تہ ءَ القدس ءِ آجوئی ءُ ظلم ءُ زوراکی ءِ آماچیں فلسطینی الس آنی واستہ ھاسیں دعا ءُ پریات کنگ بیت۔
اسرایئل ءِ نیمگ ءَ فلسطین ءِ سر ءَ ارش ءِ مذمت گران ءَ صدر ءِ مملکت ڈاکٹر عارف علوی ءِ گوشگ انت کہ ما فلسطینی آنی وت واجئی ھک ءِ واستہ گوانک ءِ برز ءُ بلند کناں۔ گوستگیں دوئیں وتی ٹویٹس آنی تہ ءَ صدر ءِ مملکت ءَ فلسطین ءَ مردم آنی شہید بوھگ ءِ پد ءَ اپسوزی ءِ درشان کت ءُ ٹپیگ آنی زوت جان سلامتی ءِ واستہ دعا ءِ نیک کت۔ آئی ءَ گوشت کہ پاکستان فلسطینی آنی ھلاپ ءَ اسرائیلی ظلم ءُ زوراکی ءُ بنی آدمی شرپ ءَ چہ جھل کپتگیں گامگیج آنی رد ءَ مذمت کنت انت۔ اسرئیلی گامگیج گامگیج بنی آدمی ھک ، میاں اوستمانی کانود ءُ بنی آدمی شرپ ءِ ھلاپ انت۔ ما فلسطینی آنی ھک ءِ واستہ گوانک ءَ را برز ءُ بلند کناں۔
صدر ءِ مملکت ءَ گوشت کہ مارا اے گپ منگی انت کہ فلسطین ءِ ھک ءُ الس آنی جان مار اسک دوست انت، دگنیا ءَ را فلسطین ءِ ھک آنی لگت مالی ءُ زوراکیں اسرائیل ءِ لچڈی ءَ را گر ءُ در کنگی انت۔ آئی ءَ گوشت کہ فلسطین الم آجو بیت۔ مزن وزیر عمران خان ءَ ھم غزہ ءُ فلسطین ءِ الس آنی گوما یکوئی ءِ درشان کنان ءَ وتی زوتیں ٹویٹ ءَ گوشت کہ آ غزہ ءُ فلسطین ءِ گوما ھمگام ءَ اوشتاتگ انت۔
مزن وزیر عمران خان ءَ فلسطین ءُ غزہ ءِ الس آنی گوما یکوئی ءُ دوستی ءِ درشان کنان ءَ یک مھکمیں کلوہ ءِ داتگ، عمران خان ءَ نبشتہ کتگ کہ ” من مزن وزیر پاکستان آں ءُ ما غزہ ءُ فلسطین ءِ گوما اوشتاتگ آں” آئی ءَ وتی ٹویٹ ءِ گوما نامداریں شاہزانت نوم چومسکی ءِ گشتن ھم شیئر کت ایشی ءِ توک ءَ آئی ءَ فلسطین ءِ آجوئی ءِ کمک ءَ نبشتگ ات کہ “تو منی آپ ءَ زورئے، منی زیتون ءِ درچک آناں بُن داتگ، منی گس تباہ کتگ، من ءَ چہ منی روزگار پلئیتگ، تو منی سر ڈگار منا ءَ پچ گپتگ، منی پس ءَ را کیز ءَ بستگ، منی مات ءَ را کشتگ، ءُ منی ملک ءِ سر ءَ بمباری کتگ، مارا درستاناں شد لاپی ءَ بُکوش، مارا بے شرپ بکن بلئے ایشی ءَ ابید بھتام ھم منی سر ءَ لگ ایت، من یک راکٹ ءِ فائر کتگ۔
