نیویارک۔20مئی (اے پی پی): وزیر ءِ درئی کار مخدوم شاہ محمود قریشی ءَ یونائیٹڈ نیشن ھیڈ کوارٹر نیویارک ءَ جنرل اسمبگلی ءِ صدر والکن بوذکر ءَ گوں گند ءُ نند کت۔ پنچ شمبے ءَ بوھوکیں گند ءُ نند ءِ ساھت ءَ فلسطین ءُ مقبوضہ کشمیر ءِ جاور ھال، کورونا ھوپ ءِ جیڈھ آنی ھولگ ءَ جنرل اسمبلی ءِ ایمرجنسی دیوان گوانک کنگ ءِ پد ءَ صدر جنرل اسمبلی ءِ سروکی ءِ توسیپ کت ءُ امیت سہرا کت کہ یونائیٹڈ نیشن جنرل اسمبلی ءِ زوتیں دیوان ءِ وسیلگ ءَ یونائیٹڈ نیشن ءِ باقی ادارگ ھاسیں رنگ ءَ سلامتی کونسل ءِ سہرا ئیں کلوہ ءِ جاڑی بیت ءُ روت ، ایشی بنیاتی زمہ واری، میاں اوستمانی ایمنی ءُ سلامتی ءِ برجائی انت۔
شاہ محمود قریشی ءَ گوشت کہ سرجمیں پاکستانی راج کودکیں فلسطینی آنی سر ءَ ظلم ءُ زیادتی کنگ ءَ گم ءُ ڈکھ ءِ آماچ انت۔ وزیر ءِ درئی کار ءَ صدر جنرل اسمبلی ءَ کورونا ھوپ ءِ سبب ءَ چہ بوتگیں ڈکال آناں ھلاسی ءِ واستہ مزن وزیر عمران خان ءِ شور ءُ مشور آناں سئیگ ءُ سرپد کت ءُ اے میاں اوستمانی ھوپءِ گیواری ءِ واستہ میاں اوستمانی تک ءَ جوانیں کوشست آناں کارمرد کنگ ءِ ضلورت ءِ زور پر دات۔ وزیر ءِ درئی ءَ صدر جنرل اسمبلی ءِ نیمگ ءَ والکن بوذکر ءَ را تر ءُ تاب ءِ پاکستان ءِ دعوت دات۔
