اسلام آباد۔ 20 مئی (اے پی پی) وزیر مملکت حوالکاری و شینکاری فرخ حبیب پارینے کہ بلاول زرداری لٹ و پول انا سیاست نا وارث ءِ، بلاول کن فلاحی ریاست نا تصور ءِ پہہ مننگ ناممکن آتیان ءِ، عمران خان ”احساس‘‘ نا کمک اٹ الس ءِ ریاست نا پوسکن آ تصور آن روشناس کرفے۔ پنچ شنبے نادے آ وزیر مملکت فرخ حبیب بلاول زرداری نا بیان آ ردعمل اٹ پارے کہ فرزند زرداری نا جماعت نا زرگزرانی حکمت عملی لٹ و پل ناتجوری تے پُر کننگ اسکان محدود ئس، عمران خان کورونا نا دین آن پد ہم غریب آتا آسودہی ءِ زرگزرانی حکمت عملی نا وت جوڑ کرینے۔ اوپارے کہ بلاول زرداری نا سیوتیک ملک ءِ خواتہ مننگ نا درگہ غا ہلار۔
