اسلام آباد۔ 20 مئی (اے پی پی) بنجائی وزیر بین الصوبائی رابطہ و صدر پاکستان اسپورٹس بورڈ(پی ایس بی) ڈاکٹر فہمیدہ مرزا بریگیڈیئر (ر) ایم خالد سجاد کھوکھر صدر پاکستان ہاکی فیڈریشن و (ر) لیفٹیننٹ کرنل وسیم احمد صدر پاکستان تائیکوانڈو فیڈریشن اٹ اسلام آباد اٹی جتا جتا اوڑدہی کریر۔ اوڑدہی ٹی بنجائی حکومت نا بطور ریگولیٹر کڑد و نیشنل اسپورٹس پالیسی آ گپ وتران کننگا۔ اوڑدہی ٹی بنجائی وزیر فیڈریشن نا صدر آتون نیشنل اسپورٹس پالیسی نا نمان خصوصیت آتیا ان پٹ فراوان کننگ نا پارے۔ بنجائی وزیر پارے کہ نن ویل آتاایسری ءِ خوانہ۔ 18 می ترمیم آن پد غٹ وسیلہ غاک صوبہ غاتے ملانو۔ ننا کڑد ریگولیٹر و پالیسی سازی نا ءِ و نن پالیسی جوڑ کننگ اُن۔ بنجائی وزیر پارے کہ بنجائی و صوبائی حکومت، قومی فیڈریشنز، پاکستان اولمپک ایسوسی ایشن تون اوار غٹ اسٹیک ہولڈر آتا کڑد اہم ءِ و اوفک اودے ساف وڑاٹ ادا بایدے کیر۔ پارت بنجائی حکومت فراوان کیک۔ نن پاکستان اٹ تینا چنا وبروک آ وخت اکن اسہ ساف ءُ پالیسی اس تننگ خوانہ۔ ننے متوازی فیڈریشن و جعلی کلب کون آ باندات آتا مون تروک ءِ۔ نن پوسکن آ پالیسی تا کمک اٹ داوڑنا ویل آتے مرکننگ نا کوشست کننگ اُن۔ اوڑدہی ٹی اسپورٹس انفراسٹرکچر ڈویلپمنٹ نا بابت ہم گپ وتران کننگا۔ بنجائی وزیر پارے کہ حکومت نیشنل سپورٹ پالیسی نا کمک اٹ اسہ سسٹم اس تننگ خواہک۔ بنجائی وزیر پارے کہ نیشنل اسپورٹس پالیسی، وتواجہ الیکشن کمیشن و ڈسپیوٹ ریزولوشن کمیٹی نا جوڑ کننگ اٹ غٹ اسٹیک ہولڈر آتیان اوفتا سلاہ ءِ ہلنگک۔
