اسلام آباد۔ 20 مئی (اے پی پی) بنجائی وزیر مواصلات مراد سعید وزیراعظم عمران خان تون یکجہتی نا درشانی ءِ کرسا پارینے کہ عمران خان اسہ بندغ اس آخا نظریہ نا پن ءِ۔ مراد سعید تینا ٹویٹ اٹی وزیراعظم عمران خان تون یکجہتی نا درشانی ءِ کرسا ”آئی سٹینڈ ود عمران خان“ ٹرینڈ نا بشخ جوڑ مس۔ اوپارے کہ عمران خان اسہ بندغ آخا اسہ نظریہ نا پن ءِ۔ اوپارے کہ دا نظریہ اِرٹ آخا اسہ پاکستان نا نظریہ ءِ۔ دا ہمو نظام آن خلاسی نا نظریہ ءِ ہراڑے امیر کن اسہ کانود اس مرے و غریب کن پین۔ ای مراد سعید داعزم انا درشانی ءِ کیوہ کہ ای مچ آ زند دانظریہ نا پوروی کن جہد نا کسر آ سلیوہ۔
