اسلام آباد۔ 20 مئی (اے پی پی) بنجائی وزیر انسانی حق ڈاکٹر شیریں مزاری اقوام متحدہ نا سیکرٹری جنرل انتونیوگوتریش ءِ مخاطب کرسا پارینے کہ شرفدار آ سیکرٹری جنرل داسہ وخت بسنے کہ مقبوضہ فلسطین اٹ انسانیت نا برخلاف مروک آ دا ڈوہ انا زموارنسل پرست اسرائیلی حکومت نا پن ءِ ہلنگے۔ رکھ انا زمواری نما ءِ و نم تون چارٹر نا چیپٹر 7 ءِ۔ پنچ شنبے نادے آ راجی رابطہ نا ویب سائٹ ٹویٹر آ اقوام متحدہ نا سیکرٹری جنرل انتونیوگوتریش نا پن اسہ ٹویٹ اسے ٹی ڈاکٹر شیریں مزاری پارے کہ بیرہ بیان تے اٹ داسہ ہچ اس مفک، اقوام متحدہ سیکرٹری جنرل اسے نا کمک اٹ ایکشن ہلسا تینا نزوری ءِ چٹفنگ نا گرج ءِ۔
