نیویارک ۔19مئی (اے پی پی): وزیر ءِ درئی کار مخدوم شاہ محمود قریشی ءَ فلسطین ءِ ھوالگ ءَ برجم داشتگیں یونائیٹڈ جنرل اسمبلی ءِ ایمرجنسی دیوان ءَ شریک بوھوکیں وزیر ءِ درئی کار آناں شپ ءِ شام ءِ دعوت داتگ۔ شپ ءِ شام ءِ بست ءُ بند نیویارک ءَ استیں پاکستانی سفارتخانہ ءَ کنگ بوھگ ءَ انت۔ شپ ءِ شام ءِ ساھت ءَ وزیر ءِ درئی کار مخدوم شاہ محمود قریشی ءُ ایندگر وزیر ءِ درئی کار آنی گوما گند ءُ نند کت ءُ آواناں فلسطین ءِ ھوالگ ءَ پاکستانی بن گپ ءِ ھوالگ ءَ سرپد کنت۔ وزیر ءِ درئی کار ، جنرل اسمبلی ءِ ایمرجنسی دیوان ءَ یکجائی کار آنی بابت ءَ ایندگر ملک آنی وزیر ءِ درئی کار آنی گوما شور ءُ مشور کنت انت۔ وزیر ءِ درئی کار ، مردم آناں وتی لیکہ ءِ درشان ءِ موہ دیگ، میاں اوستمانی برات آنی دلگوشی فلسطین ءِ سر ءَ ظلم ءُ زوراکی ءَ چہ پیداک بوتگیں جاور ھال آنی نیمگ ءَ کنگ ءُ مسلمان آنی ھک مشتی ءَ چہ یونائیٹڈ نیشن ءَ گوانک ءِ سہرا کنگ ءِ واستہ توامیں سفارتی کوشست آناں کامردم کنگ ءَ انت۔
