پشاور۔19مئی (اے پی پی): مزن وزیر عمران خان ءَ گوشت کہ پاکستان یک ٹوھیں وابے ءِ نام انت بلے بدبھتی ءَ پاکستان ءِ جوڑیشت ءَ چہ بگر تاں انوگ ءَ اچ کس ءَ را اے سسا ساچ آناں پھمینگ ءِ کوشست نہ کتگ۔ آ پشاور ءِ دمگ ریگی للمہ ءَ صنعتی ورکرز آنی وستہ گس جوڑیشت ءِ منصوبگ ءِ بنگیج ءَ چہ پد نندوکیں مردم آں گشتانک دیگ ءَ ات۔ مزن وزیر ءَ گوشت کہ کورونا ءِ ا ستیں فیز فلیٹ بوتگ، سیل ء سواد ءَ بگر ایندگر شوبگ ھم پچ بنت گواچنی ریاست ءِ ھوالگ ءَ ریاست ءِ مدینہ ءِ درور مئے دیم ءَ انت کہ کجام رنگ ءَ رسول پاک ﷺ ءَ ریاست ءِ مدینہ ءَ را دگنیا ءِ واستہ یک درور ءِ جوڑ کتگ، آئی ءَ گوشت کہ ھما چاگرد بوتگ کہ ایشی واب علامہ اقبال ءَ ساچست کتگ بوتگ۔ ملک ءِ اندر ءَ کانود درستانی واستہ ھمک کچ ءُ بروبر انت، انصاف ءِ پد ءَ رندیں چاگرد جوڑ بہ بیت ءُ کانودی ءِ کرا گریب ءُ امیر ءِ تہ ءَ اچ رنگیں پرک مہ بیت، مزن وزیر ءَ گوشت کہ آ ملک ءَ دو بنیاتی رھبند آنی آنی رد ءَ دیم ءَ جنزینگ لوٹ ایت، یک ءِ کانود ءِ سروکی ءُ دومی اچ کس ءَ را یلو ئی نیست ، این آر او اچ کس ءَ را دیگ نہ بیت، وھدیکہ ایشی ءَ ھوار چاگرد ءِ بزگریں تبک ءَ را دیم ءَ جنزینگ اولی سیم سر انت۔ آئی ءَ گوشت کہ پشاور ءَ صنعتی ورکرز آنی واستہ فلیٹس ءِ منصوبگ 2011 ءَ ھمے اوشتاتگ بوتگ کہ ایش گریب آنی واستہ جوڑ بوھگ ءَ بوتگ انت پی ٹی آئی ءِ صوبائی حکومت چوشکہ گریب آنی گہبود ءُ رکھینگ ءَ را اول سر شرپ ءُ ازت دنت۔ ھمے ھاترا اے منصوبگ ءَ را سرجم کنگ بوتگ، ھمے ھاترا ایشرا سرجم کنگ بوتگ، آئی ءَ گوشت کہ آئی دلگوش انت کہ بزگر آناں دیمروئی دیگ بہ بیت ءُ اے ھوالگ ءَ کارآناں ترندی ءَ گوں برجا کنگ لوٹاں، مزن وزیر ءَ گوشت کہ ما آیوکیں الیکش ءِ ناں بلکینگ ءَ راج ءِ آیوکیں باندات ءِ واستہ سسا ساچ کتگ ، وتی ھمزورکیں تبک ءِ زمہ واری آناں وتی کتگ، پنچ سال ءَ چہ پد چارگ لوٹاں کہ ماں چینکیاس بزگر آناں کمک ءُ آسراتی کتگ۔ آئی ءَ گوشت کہ خیبر پختونخوا ءِ الس آں دومی رند ءَ پی ٹی آئی ءِ حکومت ءَ گچین کتگ چیا کہ میاں اوستمانی رپوٹ ءِ رد ءَ پختونخوا ایوکیں صوبگ انت کہ آھودا الس آں گوں ترندی ءَ گوں دیمروئی کتگ۔
