راولپنڈی۔19مئی (اے پی پی): بنجاھی وزیر تہی کار شیخ رشید احمد ءَ گوشت کہ مزن وزیر ءِ سعودی عرب ءِ تر ءُ تاب کامیاتیں تر ءُ تاب ءِ ات، رمضان المبارک ءِ 27 ءِ شپ ءَ اللہ پاک ءِ گس پچ بوتگ، سعودی عرب ءَ گوں گوستگیں وھد ءَ اے رنگیں یکوئی نہ بوتگ، راولپنڈی ءِ دو میگا پراجیکٹس لئی ایکسپریس وے ءُ مات ءُ مان بچہ ہسپتال ءِ جوڑیشت راولپنڈی ءِ الس ءِ واستہ ٹیکی ءِ سہرا بیت، راولپنڈی زچہ بطہ ہسپتال ءِ 80 درسد کار سرجم کنگ بوتگ، ہسپتال ءِ یک بھر ءِ شش ماہ ءِ اندر ءَ سرجم بیت ءُ وتی کار ءَ بندات کنت۔ اے ھیالانی درشانی آئی ءَ بنجاھی وزیر تہی کار ءَ چار شمبے ءَ مزن وزیر ءِ ھاسیں کمکار برائے جان سلامتی ڈاکٹر فیصل سلطان ءِ ھمبراھی ءَ راولپنڈی زچہ بچہ ہسپتال ءِ تر ءُ تاب ءَ پد میڈیا ءَ گوں تران کنان ءَ کت۔ بنجاھی وزیر تہی کار شیخ رشید احمد ءَ گوشت کہ ڈاکٹر فیصل ءِ شگر ءُ منت وار آں کہ آ ہسپتال ءَ دومی رند ءَ وتی بئیت۔ اے ہسپتال ءَ کینسر ءِ ڈیپارٹمنٹ ھم جوڑ کنگ ءَ اں، 16 سال ءَ چہ ھما کار اوشتاتگ بوتگ دو سال ءَ ایشی 80 درسد کار سرجم بوتگ، کوشش انت کہ یک سالے ءِ اندر ءَ سرجمیں ہسپتال یا کم چہ کم 6 ماہ ءِ اندر ءَ او پی ڈی اوپن بہ بیت، 400 بیڈ والا ایں راولپنڈی زچہ بچہ ہسپتال سرجمیں پاکستان ءَ اولی ماڈرن ہسپتال بیت۔ شیخ رشید احمد ءَ گوشت کہ فلسطینی برات آں گوں یکوئی ءِ واستہ جمعہ ءِ رچ ءَ لال حویلی ءَ کورونا ایس او پیز آنی گوما یک السی مچی ءِ برجم دارگ بیت تانکہ کودکیں فلسطینی برات آنی لگت مالی ءَ را سہرا کنگ بہ بیت بنجاھی وزیر ءَ مزن وزیر عمران خان ءِ ا ستیں سعودی عرب ءِ تر ءُ تاب سوبمند نامینان ءَ گوشت کہ پی ٹی آئی دور ءِ حکومت ءَ سعودی حکومت ءِ گوما پاکستان ءِ گوما یکوئی گیش مھکم بوتگ انت۔
