الیکٹرانک ووٹنگ میشن نادرا ریکاٹ ءَ گوں لنک بنت، ایشاں چہ الیکشن کمیشن ءِ سر ءَ گیشیں مالی بوجھ  ءُ بار پر نہ بیت، مئے  کرا الیکشن ءِ دو ریکاٹ بنت، ووٹر ءِ تسدیک فنگر پرنٹ ءَ چہ بنت، (ن) لیگ ءُ پیپلز پارٹی پرچی ءَ چہ  ڈن در کپگ ءِ واستہ تیار نہ انت،  چوہدری فواد حسین

اسلام آباد۔19مئی  (اے پی پی):  بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ الیکشن گہتری   کار آنی  ھوالگ ءَ توامیں پارٹی یکجاہ بہ نند انت ءُ یکجائی ءَ پیسلہ بکن انت۔ پولنگ  بوھگ ءَ چہ پد  نتیجگ سہب ءَ نئیت، (ن) لیگ  ءُ پیپلز پارٹی پرچی ءَ چہ ڈن ءَ در کپگ ءِ واستہ تیار نہ انت، مشین آنی تیاری ءِ واستہ الیکشن کمیشن ءِ سر ءَ بجٹ ءِ  سر ءَ گیشی بار پر نہ بیت، الیکٹرانک ووٹنگ  مشینز  الیکٹرانک ریکاٹ  ءِ گوما  پیپر ریکاٹ ھم بیت، ھمک پولنگ اسٹیشن ءَ اے میشن است بنت، ایش انٹرنیٹ ءَ  ابید کار  کناں،  اے مشین کارمرد کنگ ءَ آسان انت، مزن وزیر عمران خان ءِ سروکی ءَ اچ کس ءَ چہ شک  نیست،  حکومت وتی وھد ءُ پاسر ءَ سرجم کنت، آیوکیں پنچ سال  ھم عمران خان مزن وزیر بیت، آ چار شمبے ءِ روچ ءَ پارلیمنٹ گس ءَ مزن وزیر ءِ مشیر   برائے پارلیمانی کار ڈاکٹر بابر اعوان ءِ ھمبراھی ءَ الیکٹرانک ووٹنگ مشین آنی بابت  ءَ اھوالکار آناں بریفنگ دیگ ءَ ات۔ اے موہ  ءِ سر ءَ  سینیٹر فیصل جاوید  ءُ ایندگر کلانہ ساڑی اتنت۔  بنجاھی وزیر اھوالکاری  ءَ گوشت  کہ پولنگ ھلاس  بوھگ ءَ پد  ارزشتی ایں نتیجگ  وھد ءِ سر ءَ نئیت۔  آئی ءَ گوشت کہ  پاکستان ءَ الیکشن ءِ نتیجگ   آناں منگ ءِ  جیڈھ پیداک بنت،  ایشانی گیواری  ایش انت کہ  گچین کاری   گہتری کار آنی ھوالگ توامیں پارٹی یکجائی ءَ بہ  نند انت ءُ پیسلہ بکن انت  بلے (ن) لیگ ءُ پیپلز پارٹی پرچی ءَ چہ  ڈن در کپگ ءَ تیار نہ انت۔  اے موہ ءِ سار ءَ الیکٹرانک ووٹنگ میشن ءِ ڈیمو پیش کنگ بوت۔