انقرہ۔19مئی (اے پی پی): وزیر ءِ درئی کار مخدوم شاہ محمود قریشی ءَ چار شمبے ءَ ترکی ءَ ، نیویارک روادگی ءَ چہ پیسر فلسطینی ھمکار ڈاکٹر ریاض المالکی ءِ گوما گند ءُ نند کت۔ درئی کارانی کارگس ءِ رد ءَ گپ ءُ تران ءِ ساھت ءَ فلسطین ءِ استیں جاور ھال آنی سر ءَ ھیال ریچی کنگ بوت۔ وزیر ءِ درئی کار ءَ اسرائیلی ارد ءِ کشاں چیل، مسجد ءِ اقصیٰ ءِ سر ءَ ارش ءُ فلسطین ءِ الس آنی لگت مالی ءَ را مذمت گران ءَ کودکیں فلسطین ھاسیں رنگ ءَ زھگ آنی شہادت ءِ ھوالگ ءَ گرانیں ڈکھ ءُ اپسوزی ءِ درشان کت ءُ گوشت کہ پاکستان ، فلسطینی الس آنی وت واجی ھک ءِ پجاری ءَ را جاڑی دارگ ءِ واستہ جزمیگ انت۔ وزیر ءِ درئی کار ءَ فلسطینی ھمکار ءَ را، میاں اوستمانی برات آنی دلگوش، فلسطین ءَ جاڑیگیں اسرائیلی ارد آنی کشاں چیل ءُ زوراکی کنگ ءُ فلسطین ءِ جیڈھ ءَ را ایمنی ءَ گوں گیواری ءِ واستہ پاکستان ءِ سفارتی کوشت آنی بابت ءَ سرپد کت۔
