اسلام آباد۔18مئی (اے پی پی): وزیر ءِ درئی مخدوم شاہ محمود قریشی ءَ گوشت کہ پاکستان ءُ ترکی دگنیا ءَ را منارینگ لوٹ انت کہ اسرائیل ءِ نیمگ ءَ بمباری ءَ را زوتیں رنگ ءَ دارگ بہ بیت، فلسطین ءِ جاور ھال آنی سر ءَ میاں اوستمانی برات ھاموش انت۔ سئے شمبے ءَ ترکی ءَ فلسطین ءِ جاور ھال ءُ سفارتی کوشست آنی ھوالگ ءَ ارزشتی ایں بیان ءَ وزیر ءِ درئی کار ءَ گوشت کہ پاکستان ءُ ترکی ءِ گامگیج سہرا انت، پاکستان ءُ ترکی دگنیا ءَ را منارینگ لوٹ انت کہ اسرائیل ءِ نیمگ ءَ چہ بمباری ءَ را زوتیں رنگ ءَ دارگ بہ بیت۔ شاہ محمود قریشسی ءَ گوشت کہ اسرائیل بمباری کنگ ءَ انت۔ ایش بنی آدمی ھک ءُ چارمی جنیوا کنونشن ءِ تل پچیں ھلاپ کنگ انت۔ اسرائیل کودکیں فلسطینی آنی سر ءَ ظلم ءُ زوراکی کنگ ءَ انت ءُ اسرائیل فلسطینی آناں وتی گس آں چہ کشگ ءَ انت۔ وزیر ءِ درئی کار ءَ گوشت کہ اسرائیل جیڈھ آناں گیش چپ ءُ چوٹ کنگ ءَ انت، اے زوراکی آناں زوتاں چہ زوت دارگ ءِ ضلورت انت۔ اسرائیلی بمباری ءَ چہ مردم ہسپتال آں روگ ءُ نزیکی کت نہ کنگ ءَ انت۔ فلسطینی آنی سر ءَ ظلم آنی دارگ ءِ واستہ جتا جتائیں ملک آنی گوما رابطہ کنگ ءَ آں۔ آئی ءَ گوشت کہ انڈونیشیا ءِ وزیر ءِ درئی کار ءَ دل یکیمی کنائینتگ کہ آ ھم دیوان ءَ بھر زوری کنت، انڈونیشیا دگنیا ءِ تہ ءَ مستریں مسلمانیں ملک انت۔ وھدیکہ انڈونیشیا ءِ وزیر ءِ درئی کار ءِ سروکی ٹوھیں کامیاتی ات۔ شاہ محمود قریشی ء۔ گوشت کہ ترک وزیر ءِ درئی کار ءِ گوما یونائیٹڈ نیشن ءِ جنرہل اسمبلی ء، دیوان ءِ واستہ روادگ بوھگی بوتگ بلے مرچی روادگ بوھگ ءَ را مھتل داشتگ، فلسطین ءِ وزیر ءِ درئی کار ءِ کشک ءَ پینگ جنگ بوھگ ءَ انت۔ وزیر ءِ درئی کار ءَ گوشت کہ ما لوٹاں چہ فلسطینی وزیر ءِ درئی کار ھم جنرل اسمبلی ءَ گوما بئیت۔ فلسطینی وزیر ءِ درئی کار ءَ را جنرل اسمبلی ءَ آیگ ءَ نئیشت گڈا ٹوھیں ناانصافی ءِ بیت۔ آئی ءَ گوشت کہ ما فلسطینی وزیر ءِ درئی کار ءِ ودار ءَ کناں، منی امیت انت کہ فلسطینی وزیر ءِ درئی کار پج ایت۔ فلسطین ءِ جاور ھال آنی رد ءَ دگنیا ءَ السی جوزگ آنی درشان باز دلبڈ انت۔ فلسطین ءِ الس آں پیسلہ کتگ کہ آ یکجائی ءَ وتی ھک آنی واستہ جہد ءُ کوشست آناں جاڑی دار انت۔
