اسلام آباد۔18مئی (اے پی پی): صدر ءِ مملکت ڈاکٹر عارف علوی ءَ گوشت کہ تکنیکی رنگ ءَ دیمروئی کنوکیں ملک آنی لڑ ءَ ھوار بوھگ ءِ واستہ چارمی صنعتی آشوب ءِ ٹیکنالوجی ءَ را وتی کنگ ءِ ضلورت انت، ملک ءِ راستیں لکا ءَ را سہرا کنگ ءِ واستہ ازمکاری وانشت ءَ را دیمروئی دیگ ءِ ضلورت انت۔ حکومت ملکی معاشی ءُ معاشی دیمروئی ءِ واستہ بنی آدمی آسراتی دیمروئی ءِ سر ءَ دلگوشی کنگ ءَ انت۔ اے ھیالانی درشانی آئی ءَ سئے شمبے ءِ روچ ءَ پرنسپل نیشنل کالج آف آرٹس لاہور پروفیسر ڈاکٹر مرتضٰی جعفری ءِ نیمگ ءَ بریفنگ ءِ ساھت ءَ کت۔
صدر ڈاکٹر عارف علوی ءَ را پرنسپل نیشنل کالج آف آرٹس پروفیسر ڈاکٹر مرٹضیٰ جعفری ءَ ملک ءِ اندر ءَ ازمکاری وانشت ءِ دیمروئی ءِ واستہ وتی کالج ءِ کرد ءَ را سئیگ ءُ سرپد کت۔ اے موہ ءِ سر ءَ تران کنان ءَ صدر ءِ مملکت ڈاکٹر عارف علوی ءَ نیشنل کالج آف آرٹس ءِ سر ءَ زور پر دات کہ لاج انتظامیہ کالج ءِ شاھیگا نی ءِ واستہ مزن نامیں میاں اوستمانی وانگ ءُ زانگی ادارگ آنی گوما کمک آنی تہ ءَ گیشی بیار ایت۔ آئی ء۔ گوشت کہ ملک ءِ پازیٹیو لکا ءَ را سہرا کنگ ءِ واستہ ازمکاری وانشت ءَ را دیمروئی دیگ ءِ ضلورت انت۔ حکومت وانگ ءُ زانگ ءِ شوبگ ءِ سر ءَ ھاسیں ارزشت دنت انت۔
