اسلام آباد۔18مئی (اے پی پی): وزیر ءِ درئی کار مخدو م شاہ محمود قریشی ءَ سئے شمبے ءَ ادا انقرہ ءَ وتی ترک ھمکار میولوت چاوش اولو ءَ گوں گند ءُ نند کت۔ گپ ءُ تران ءِ ساھت ءَ دوئیں ھمکار آں فلسطین ءَ ایمنی ءِ جاور ھال آنی ھوالگ ءَ ھیال ریچی کت۔ ترک وزیر ءِ درئی کار میولوت چاوش اولو ءَ او آئی سی ءِ ایگزیکٹو کمیٹی ءِ وزیر ءِ درئی کار دیوان ءَ وزیر ءِ درئی کار مخدوم شاہ محمود قریشی ءِ گشتانک ءُ پاکستان ءِ نیمگ ءَ کودکیں فلسطینی آنی یک شل ءَ کمک کنگ ءَ را ساڑات۔ وزیر ءِ درئی کار شاہ محمود قریشی ءَ فلسطین ءِ جیڈھ ءِ سر ءَ ترک صدر رجب طیب اردوان ءُ ترک حکومت ءِ مھکمٰں ءُ شاھیگانیں بن گپ ءِ توسیپ کت ءُ گوشت کہ غزہ ءَ اسرائیلی ارش ءُ رمضان المبارک ءُ کسانیں ائید ءِ ساھت ءَ فلسطین ءَ بے وس ءُ بے کسوریں الس آنی لگت مال کنگ ءَ چہ بازیں بنی آدم دلرنج بوتگ انت۔ شاہ محمود قریشی ءَ گوشت کہ مزن وزیر عمران خان ءِ داتگیں پنت ءُ شون ءِ رد ءَ ما پاکستان ءَ 21 مئی ءَ را فلسطینی برات آنی گوما یکوئی ءِ واستہ ” یوم یکجہتی فلسطین” ءِ رد ءَ برجم دار آں۔ دوئیں وزیر ءِ درئی کار آں کودکیں فلسطینی آنی سر ءَ اسرائیلی کشاں چیل ءُ فلسطینی آنی جنگ ءُ پروشگ ءَ را گیشاں چہ گیش مزمت کتگ ءُ اسرائیلی گامگیج آنی ھلاپ ءَ یونائیٹڈ نیشن ءَ یکجائی ءَ گوانک ءَ را چست کنگ ءِ پیسلہ کتگ۔ وزیر ءِ درئی کار ءَ گوشت کہ فلسطینی برات آناں ایوک ءَ یل نہ کناں۔ ترک وزیر ءِ درئی کار میولوت چاوش اولو ءَ وزیر ءِ درئی کار مخدوم شاہ محمود قریشی ءُ آئی ڈل ءِ شرپ ءَ سبارگ ءِ نان دات۔
