اسلام آباد۔18مئی (اے پی پی): وزیر ءِ مملکت اھوالکاری ءُ شنگ کار فرخ حبیب ءَ گوشت کہ بلاول ءِ گپ دز وت کوکار ءَ انت کہ بیا اِت چکاں دز اِت، ءِ نمونگ ءَ انت، سندھ حکومت ڈنگ آنی سروکی ءَ کنگ ءِ سبب ءَ آر ءَ ھوار ھمروچگیں وردن ءُ وراکی چیز آنی نیاد گران انت، سندھ ءَ بازیں تگ ءُ تاچ ءَ چہ پد بیست کلو آرت ءِ تھیلا سیزدھ سد کلدار ءَ بھا بوھگ ءَ انت۔ سئے شمبے ءِ روچ ءَ بلاول بھٹو ءِ بیان ءِ پسو ءَ وزیر ءِ مملکت فرخ حبیب ءَ گوشت کہ سندھ ءَ درستاں چہ گیش گریبی انت، گوشگ بہ بیت یک شل ءَ سیمی رند انت کہ سندھ ءَ پیپلز پارٹی ءِ حکومت انت، گڈا گریبی پرچی ھلاسی نہ بیت، چے کتگ ایشی ھلاسی ءِ واستہ ؟ سندھ ءَ مرچی ھم ہیپاٹائٹس، وردن ءُ وراک ءِ ڈکال ءِ سبب ءَ زھگ آنی ردوم کم بوھگ ءَ انت زھگ بیرانی بیرانی درستاں چہ گیش انت۔ وزیر ءِ مملکت فرخ حبیب ءَ گوشت کہ عمران خان حکومت ءِ سیٹ ءَ نندگ ءَ چہ معاشی ھرابیں جاور گر ءُ دار کتگ انت، مرچی سرجمٰں ملک ءَ کوویڈ ھوپ ءِ سیمی فیز ءَ ابید ملک معاشی رنگ ءَ برجم انت۔ مرچی ھواریں راج پیداوار، برآمدات، زر روان دیگ ، زر امبار ، توامیں معاشی دیمروئی نیمگ ءَ رھادگ انت۔
