اسلام آباد۔18مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پاکستان ءَ فلسطین ءِ جیڈھ ءِ سر ءَ سہرائیں لیکہ ءِ درشان کتگ، مسلمان فلسطین ءِ جاور ھال آنی رد ءَ سک باز دلرنج ءُ بے آرام انت، پاکستان اولی اسلامی ملک انت کہ آئی ءَ سک باز ترند ءُ سہرائیں لیکہ ءِ وتی کتگ، پاکستان ءِ بن گپ ءَ را سرجمٰں مسلمان آں من اتگ، فلسطین میڈیکل ایمرجنیس ءِ جیڈھ آں گوں دم پہ دیم انت، پاکستان فلسطین ءَ را کمک پجاری کنت، وزیر ءِ درئی کار شاہ محمود قریشی ءَ ھوار چار مسلمانیں ملک آنی وزیر ءِ درئی کار یکجا بنت ءُ نیویارک ءَ رونت ، راولپنڈی رنگ روڈ ءَ را اٹک رنگ روڈ بنائینگ بوتگ۔ منصوبگ ءِ الائٹمنت ءِ مٹ ءُ بدلی ءِ پد ءَ مزن وزیر ءَ پٹ ءُ پول کنگ ءِ حکم داتگ، الائٹمنٹ مٹ کنان ءَ راجی ھزانگ ءَ را تاوان رسینگ ءِ کوشست کنگ بوتگ، رپوٹ ءَ غلام سرور خان ءُ ذوالفقار عباس بخاری ءِ اچ نام ءِ زکر نیست انت، ذوالفقار عباس بخاری ءَ پٹ ءُ پول ءِ سرجم بوھگ ءَ تاں وتی اگدہ ءَ چہ استعفا داتگ، اینٹی کرپشن ءُ سیادی داروکیں ادارگ جیڈھ ءِ گیش پٹ ءُ پول ءَ کناں، ساپ ءُ سلہ ایں گچین کاری ءِ واستہ الیکٹرانک ووٹنگ مشین المی انت، ن لیگ ءُ پیپلز پارٹی اوورسیز پاکستنای آناں ووٹ ءِ ھک دیگ ءِ رد ءَ وتی پوزیشن ءَ سہرا نہ کنگ ءَ انت، تحریک انصاف اوورسیز پاکستانی آناں ووٹ ءِ ھک ءَ را دیگ ءِ واستہ جزمیگ انت۔ بنجاھی کابینہ ٰءَ پاکستان ءُ چین ءِ سفارتی یکوئی آنی ھپتاد سال ءِ موہ ءَ ھپتاد روچی ءِ یاتگیری سکہ ءِ جوڑ کتگ ءُ میسرز فلائی جناح سروسز لمیٹڈ ءَ را ریگولر پبلک ٹرانسپورٹ لائسنس (پسینجر اینڈ کارگو) دیگ ءِ منظوری دات۔ اے ھیالانی درشانی آئی ءَ سئے شمبے ءِ روچ ءَ کابینہ ءِ دیوان ء چہ پد میڈیا ءَ را بریفنگ دیان ءَ کت۔
