اسلام آباد۔18مئی (اے پی پی): بنجاھی وزیر نجکاری محمد میاں سومرو ءَ گوں پیسریگیں وزیر ءِ مملکت ءُ ورجینیا بیسڈ الکالڈے اینڈ فے ءِ کلانہ ایں پارٹنر عمر گھمن ءَ گند ءُ نند کت۔ نجکاری کمیشن ءِ نیمگ ءَ جاڑیگیں بیان ءِ رد ءَ سئے شمبے ءَ ادا بوھوکیں گند ءُ نند ءِ ساھت ءَ پرائیویٹائزیشن ءُ ایندگر منصوبگ آنی تہ ءَ امریکن بزنس کمیونٹی ءِ سرمایہ کاری ءِ بابت ءَ ھیال ریچی کنگ بوت۔ اے موہ ءِ سر ءَ تران کنان ءَ بنجاھی وزیر نجکاری محمد میاں سومرو ءَ گوشت کہ ملک ءَ را دیمروئی دیگ ءِ واستہ حکومت میاں اوستمانی سرمایہ کار آناں دلبڈی دیگ ءَ انت۔ محمد میاں سومرو ءَ گیش تران کت ءُ گوشت کہ میاں اوستمانی سرمایہ کار آنی شریکداری نجکاری پروگرام ءَ ھمگونگی گیش ود ات کنت۔ وزیر ءِ نجکاری ءَ گوشت کہ نجکاری پروگرام ءَ ساپ ءُ سلہ ئی ءِ بھر اچ رنگ ءَ ڈلگچار کنگ نہ بیت۔ گند ءُ نند ءِ ساھت ءَ عمر گھمن ءَ پرائیویٹائزیشن پروگرام ءَ میاں اوستمانی سرمایہ کار آنی ھواری ءِ واستہ گامگیج آنی پد ءَ بنجاھی وزیر نجکاری محمد میاں سومرو ءِ زاتی کوشست آناں ساڑات ءُ گوشت کہ بازیں سال ءَ چہ پد میاں اوستمانی سرمایہ کار آنی پاکستان ءِ سر ءَ دل یکیمی برجا بوتگ۔
