اسلام آباد۔18مئی (اے پی پی):سال2021 ءَ پاک چین یکوئی آنی 70 ھپتاد ھمی سالروچ ءُسی پی سی ءِ برجائی ءِ سد سالی جشن ءِ رد ءَ برجم دارگ بوتگ ءَ انت۔ سد سل پیسر چین ءِ کمیونسٹ پارٹی ( سی پی سی) ءَ جوڑیشت ءَ چہ پد یک جوانیں راجے ءِ جوڑیشت ءِ امیت پیداک کت ءُ چین ءِ برجائی ءُ دیمروئی ءِ کشک ءَ رھادگ کنگ بندات کت۔ پدا ایشی ءَ چہ پد چین پاکستان دوستی ءِ بنگیج بیت ایشی ءِ مول ءُ مراد چین ءُ پاکستان ءِ نیام ءَ یکوئی آناں گیش مھکم کنگ ات۔ چینی سفارتخانہ ءِ رد سال 2021 ءَ چین ءُ پاکستان ءِ نیام ءَ سفارتی یکوئی ءِ برجائی 70 ھپتادھمی سالروچ ءُ سی پی سی ءِ جوڑیشت ءُ ایشی ءِ کامیاتی ءِ 100 سدھمی سالروچ برجم دارگ بوھگ ءَ انت۔ گریبی ءِ ھلاسی ءِ واستہ چین ءِ تجروبت ایندگر دگنیا ءِ واستہ یک جوانیں درور ءُ نمونگ ات۔ مزن وزیر ءَ ایشرا بازیں رنگ ءَ توسیپ کتگ۔ ایش صدر ژی جن پنگ ءِ میان اوستمانی کمک آنی وسیلگ ءَ لس مردم ءِ دیمروئی ءِ واستہ شور ءُ سلاھ ھم پیش کت۔ نوکیں ءُ مٹ بوھوکیں جاور ھال آنی تہ ءَ میاں اوستمانی یکوئی آناں گیش مھکم جوڑ کنان ءَ آئی ءَ بی آر آئی ءِ یکجائی جوڑیشت ءَ پیشوک بوتگ۔ چین ءَ گریبی ءِ ھلاسی ءُ دیمروئی ءَ جوانیں آسر در جتگ ، ایشاں پاکستان ءُ دگنیا ءِ دومی ملک آنی واستہ درور نکش کتگ۔ چوشکہ اے سال ءَ چین ءُ پاکستان ءِ نیام ءَ سفارتی یکوئی آنی جوڑیشت ءِ 70 ھپتاد ھمی سالروچ برجم دارگ بوھگ ءَ انت۔ امیت سہرا کنگ بوھگ ءَ انت کہ چین پاکستان ءِ ھپت جتائیں شوبگ آنی تہ ءَ کمک آناں گیش مھکمی ءَ گوں دیمروئی دنت۔
