اسلام آباد۔ 22 مارچ (اے پی پی) مزن وزیر ئِ ھاسیں کمکار مصدق ملک ئَ گوشت کہ وھد ئَ چہ پیسر گچین کاری کنگ ئِ اِچ وڑیں چار ئُُ بچار کنگ نہ بوھگ ئَ اِنت، پیسریگیں صدر سرین ئِ ھڈ ئِ علاج کنگ ئِ ھاترا در ملک ئَ روگ ئَ پیسر کوٹی ئِ توک ئَ آمید گس ئَ سوگند ئِ زُرتگ کہ آ علاج ئَ پد وطن ئَ واتر کئیت۔ آ وتی سوگند ئَ سرجم بکنت ئُُ آمید گس ئِ دیم ئَ بہ ایت، مارا اُمیت اِنت کہ عمران خان ھم نواز شریف ئِ وڑ ئَ ترا ھم کیاسگری ئِ ھاترا پیش کن آںبلے آ شید ئُُ بید ئِ حکم ئِ پشت ئَ وتارا چیر دیگ ئِ کوشست ئَ کنگ ئَ اِنت۔ آمید گس ئِ حکم ئِ پد ئَ پرویز مشرف ئِ نام ای سی ایل ئَ چہ در کنگ بوتگ۔ آ چار شمبے ئِ روچ ئَ پریس انفارمیشن ڈیپارٹمنٹ ئَ باسک قومی اسمبلی دانیال عزیز ئِ ھمبراھی ئَ پریس کانفرنس ئَ گشتانک دیان اَت۔ مزن وزیر ئِ مشیر ئَ گوشت کہ مزن وزیر محمد نواز شریف ئَ سک باز پیسر ئَ پیسلہ کتگ بوتگ کہ آ توامیں فورم ئِ اندر ئَ وتارا کیاسگری ئَ پیش کنت، پانامہ لیکس ئِ جیڈھ ئَ چہ پد مزن وزیر محمد نواز شریف ئَ را آئی ئِ وکیل ئُُ مردم آں مشورہ داتگ کہ پانامہ لیکس ئِ جیڈھ آمید گس ئَ لائک ئِ گوشداری نہ اِنت ئُُ مزن وزیر ئِ بستار ئَ ایشی ئِ شید ئُُ بیدی بوت کنت بلے مزن وزیر محمد نواز شریف ئَ توامیں شور ئُُ سلاھ یک کرّ کُت اَنت ئُُ وتارا کیاسگری ئِ واستہ پیش کُت۔ آمید گس ئِ اختیار ئَ را چیلنج نہ کنگ ئُُ آمید گس ئِ توامیں پیسلہ آناں تسلیم کنگ ئِ پیسلہ کُت۔
