اسلام آباد۔ 22 مارچ (اے پی پی) بُنجاھی وزیر ریل گاڑی خواجہ سعد رفیق ئَ چار شمبے ئِ روچ ئَ بُنجاھی وزیر منصوبگ بندی ئُُ دیمروئی احسن اقبال ئَ گوں گند ئُُ نند کُت۔ گند ئُُ نند ئِ تہ ئَ آیوکیں دیمروئی بجٹ آنی تہ ئَ جاڑی کتگیں ریل گاڑی منصوبگ بندی ئِ سر ئَ گپ ئُُ تران کنگ بوت۔ دوئیں وزیر آں سی پیک ئَ وار بوھوکیں ریل ئِ منصوبگ آنی سرئَ سرجمیں ھیال ریچی کنگ بوت۔ اے موہ ئِ سر ئَ منصوبگ بندی ئُُ ریل ئِ کارندہ ھوار اتنت۔ اے موہ ئَ بُنجاھی وزیر منصوبگ بندی ئُُ دیمروئی احسن اقبال ئَ گوشت کہ ریل مئے معشیت ئِ واستہ سرین ئِ ھڈ ئِ بستار ئَ اِنت، معشیت ئِ مھکمی ئُُ ھال رسانکی در آنی تہ ئَ جوانی آرگ ئِ ھاترا نظام ئَ را گیش جوانتر کنگ ئِ ضلورت اِنت۔
