اسلام آباد۔18مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ مزن وزیر عمران کان ءِ کیاسگری پالیشی سہرا انت، توامیں شہری کانود ءِ رد ھمکچ انت، آ توری اپوزیشن سروک یا کابینہ ءِ باسک ، بھتام لگ ایت گڈا پٹ ءُ پول الم بیت، ءُ پسو الم دیگی انت، ھمے نظام نوکیں نظام انت۔ ایش ھمیش انت کہ ایشی سوگند کتگ بوتگ۔ سئے شمبے ءَ وتی یک ٹویٹے توک ءَ آئی ءَ گوشت کہ عمران خان ءِ حکومت ءَ چو بوتگ کہ بھتام بندگ بوتگ گڈا پٹ ءُ پول بوتگ۔ نون لیگ ءُ پیپلز پارٹی ءِ دور ءَ میڈیا ءِ گُٹ نشتگ بلے کئی مجال کہ چیز ءِ بکنت۔ ھمے نوکیں نظام انت حکومتی کارندہ آناں ھم کیاسگری ءِ ترس ءُ بیم بہ بیت ، زوراک ھم کانود ءِ پنجگ ءَ چہ برزتر نہ انت۔ آئی ءَ گوشت کہ رنگ روڈ جیڈھ ءِ بابت ءَ مزن وزیر ءَ را گوشگ بوت کہ ہائوسنگ سوسائٹیز آناں سیت رسینگ ءِ واستہ رنگ روڈ ءَ را 23 کلومیٹر ءَ تاں ودینگ بوتگ۔ اے پیسلہ ءِ سر ءَ حکومت ءَ 20 ارب کلدار ءِ گیشیں زمین بھا زورگ ءِ ھاترا ھرچ کتگ۔ سر وزیر ءَ را گوشگ بوتگ کہ پٹ ءُ پول بکن، کمشنر راولپنڈی ءَ را گوشگ بوت کہ جیڈھ ءَ را چار ءُ تپاس بکن، بنجاھی وزیر ءَ گوشت کہ کمشنر ءَ بنداتی پٹ ءُ پول ءَ اے اھوال آنی تسدیک کت، آئی بنداتی رپوٹ ءِ رد ءَ پیسریگیں کمشنر راولپنڈی ءُ آئی ھمبراھ بازیں اپسرگ اے اسکینڈل ءَ ھوار انت۔ گیش پٹ ءُ پول ءِ واستہ جیڈھ پٹ ءُ پولی ادارگ آناں روان دیگ بیت۔ انوگ ءَ تاں اے جیڈھ ءِ ھوالگ ءَ اچ وزیر یا مشیر ءِ دست مانجی بوھگ ءِ ثبوت نہ رستگ۔ بنجاھی وزیر اھوالکاری ءُ شنگ کاری ءَ گوشت کہ مزن وزیر عمران خان ءِ کیاسگری پالیشی سہرا انت۔ توامیں شہری کانود ءِ رد ءَ ھمکچ انت۔ آ توری اپوزیشن ءِ باسک یا توری کابینہ ءِ بھدار بہ بنت ، یا کجام ادارگ ءَ گوں سیادی داروک بہ بنت، الزام لگ ایت گڈا پٹ ءُ پول الم بیت۔ ءُ پسو الم در گیجگ بیت۔ ھمے نوکیں نظام انت کہ ایشی سوگند ءُ قرار کتگ بوتگ۔
