اسلام آباد۔18مئی (اے پی پی): ،مزن وزیر عمران خان ءَ ڈن ملک ءَ نندوکیں پاکستانی آناں ملک ءِ بے دروریں مڈی نامینان ءَ گوشت کہ گوزوکیں مالی سال ءِ اولی 10 ماہ آنی ساھت ءَ “ترسیلات زر” ءِ کساس 24 ارب 20 کروڑ ڈالر ءِ برز تریں تک ءَ پج اتگ۔ سئے شمبے ءَ وتی ٹویٹ ءَ آئی ءَ گوشت کہ آ زر ءَ آدیم نندوکیں پاکستانی آناں مدام ملک ءِ بے دروریں مڈی پھم ایت۔ اپریل ءَ ترسیلات زر گیش بوھان ءَ 2 ارب 80 کروڑ ڈالر ءِ برزتریں تک ءَ پج اتگ ءُ گوزوکیں مالی سال 2020-21 ءِ اولی 10 ماہ آنی ساھت ءَ ترسیلات زر ءِ کساس 24 ارب کروڑ ڈالر بوتگ۔ آئی ءَ گوشت کہ ڈن ملک ءَ نندوکیں پاکستانی آں “ترسیلات ءِ زر” ءِ ھوالگ ءَ مالی سال 2019-20 ءِ ریکاٹ پروشتگ۔ مزن وزیر ءَ گوشت کہ نوکیں پاکستان ءَ ڈن ملک ءَ نندوکیں پاکستانی آنی دل یکیمی ءِ شگر ءُ منت ءَ گراں۔
